គ្រូរូបវិទ្យាម្នាក់បាននាំសិស្សរបស់គាត់ទៅសិក្សា នៅទីលានខាងក្រៅ គឺនៅកន្លែងគោរពទង់ជាតិ។ នៅពេលដើរជិតដល់ទីនោះគាត់ក៏បានពន្យល់ពីអ្វីដែលគាត់ចង់បង្រៀនសិស្សរបស់គាត់។គ្រូរូប៖ កូនៗទាំងអស់គ្នាថ្ងៃនេះយើងសិក្សាពីកំពស់ និងរបៀបវាស់កំពស់។
កូនសិស្សម្នាក់ក៏សួរគាត់៖ ដូចម្តេចហៅថាកំពស់?
គ្រូរូប៖ កំពស់គឺជារង្វាស់ប្រវែងពីចំណុចបាតទៅដល់ចំណុចកំពូលណាមួយ។ ហើយថ្ងៃនេះលោកគ្រូបានយកម៉ែត្រនេះមកវាស់ កំពស់របស់បង្គោលទង់ជាតិនេះ។
នៅពេលគាត់និយាយចប់គាត់ក៏នាំសិស្សគាត់ទៅវាស់កំពស់ដងទង់ជាតិទាំងអស់គ្នា។ តែនៅពេលដែលគាត់ព្យាយាមវាស់នោះ ម៉ែត្រចេះតែដាំក្បាលចុះក្រោមនៅពេលដែលទាញវាខ្ពស់ពេក។
ចំពេលនោះ មានលោកគ្រូគណិតវិទ្យាម្នាក់ដើរកាត់ ហើយក៏ចូលសួរ នៅពេលដែលសិស្សប្រាប់គាត់ថាថ្ងៃនេះសិស្សទាំងអស់គ្នាមកវាស់ កំពស់ដងទង់ជាតិ លោកគូ្រគណិតក៏សើច ហើយទាញបណ្តួលដងទង់ជាតិឲ្យដេករាបស្មើរនឹងដី ហើយក៏ឲ្យលោកគ្រូរូបធ្វើការវាស់។ ហើយលោកគ្រូគណិតក៏ដើរទៅបាត់ទៅ។
អាចូច ជាសិស្សដែលមិនសូវចូលសាលាទេ តែវាជាក្មេងដ៏ឆ្លាតម្នាក់ វានៅចាំសម្តីរបស់គ្រូវាដែលថាកំពស់គឺវាស់ពីបាតទៅកំពូល ហើយបើដងទង់ជាតិនៅរាបស្មើរនឹងដីបែបនេះគេធ្វើម៉េចអាចថាវាជាកំពស់បានទៅ។
អាចូច៖ លោកគ្រូរូប យើងវាស់នេះខុសហើយ។ យើងមកទីនេះដើម្បីមកវាស់រកកំពស់របស់ដងទង់ជាតិ មិនមែនមកវាស់ប្រវែងដងទង់ជាតិឯណា។
លោកគ្រូរូប៖ អើអីចឹងយើងនាំគ្នាដាំបង្គោលនេះវិញទៅ ហើយចាំយើងវាស់វាម្តងទៀត។
អាចូច៖ ធ្វើអីចឹងបានត្រូវ!
មួយណាត្រូវមួយណាខុសសូមមើលផង?
|
អស់លោកអ្នក ដែលកំពុងទស្សនាគេហទំព័រនេះជាទីគោរព:
|
0 comments:
Post a Comment