វិធី​ធ្វើ​ឲ្យ​ជីវិត​សិច​កាន់​តែមាន​សេចក្ដី​សុខ​

ជីវិតសិចដែលពោរពេញទៅដោយស្នាមញញឹម

សិច គឺជាធាតុផ្សំមួយដ៏សំខាន់ក្នុងជីវិតអាពាហ៍ពិពាហ៍របស់មនុស្សម្នាក់ៗ ដែលយើងត្រូវយល់ដឹងពីវាឲ្យបានច្បាស់។ ការបង្កើតឲ្យជីវិតសិច របស់លោកអ្នកកាន់តែប្រសើរ គឺអ្នកត្រូវធ្វើយ៉ាងណាឲ្យដៃគូរបស់អ្នកមានសេចក្ដីសុខ យកចិត្តទុកដាក់ពីដៃគូក្នុងកំឡុងពេលប្រតិបត្តការសិច និយាយឲ្យចំ គឺត្រូវចេះនាំដៃគូលោកអ្នកទៅដល់ឋានសួគ៌ ហើយក៏ត្រូវចេះនាំមកវិញដែរ។ មានវិធីមួយចំនួនតូច ដែលអ្នកត្រូវដឹង ដើម្បីកែខៃបញ្ហាសិចដែលអ្នកធ្លាប់ជួបប្រទះ ឬក៏ធ្វើយ៉ាងណាឲ្យលោកអ្នកអាចបង្កើតនូវការចងចាំនៅលើគ្រែដែលមិនអាចបំភ្លេចបាន។ ថ្ងៃនេះដែរ ខ្មែរសារិកា សូមនាំមកជូនលោកអ្នក នូវវិធីសាស្រ្ដមួយចំនួន ដើម្បីធ្វើឲ្យជីវិតសិចរបស់លោកអ្នកកាន់តែប្រសើរ៖

- ឈប់បិទភ្លើងតទៅទៀត៖ ប្រសិនបើអ្នកមានអារម្មណ៍ថាអៀន អ្នកគ្រាន់តែដុតទៀតពីរបីដើមក៍ជាការប្រសើរជាងការបិទភ្លើងងងឹតឈឹងនោះដែរ។ បុរសគឺជាភេទដែលទទួលបានអារម្មណ៍ត្រេកត្រអាលខ្លាំងពេលមើលឃើញផ្ទាល់នឹងភ្នែក ដូច្នេះក្នុងនាមអ្នកជាភរិយាដ៏ប្រពៃ គួរតែផ្ដល់នូវចំណីរចក្ខុដល់គាត់ខ្លះផង។

- ធ្វើជាជំហានៗ កុំតក់ក្រហល់ពេក៖ ពេលខ្លះការប្រញ៉ាប់ប្រញ៉ាល់ពេកក៏មិនជាល្អនោះដែរ។ ប្រសិនបើស្វាមីរបស់អ្នកមិនទាន់មកដល់ផ្ទះទេ អ្នកអាចផ្ញើសារជាអក្សរដែលមានលក្ខណៈផ្អែមល្ហែម ឬក៏ធ្វើចលនាបំលាស់ទីដៃរបស់អ្នកលើរាងកាយរបស់គាត់កំឡុងពេលមើលទូរទស្សន៍ជាមួយគ្នាជាដើម។ ត្រូវចងចាំដែរថា ជំហានដំបូងនៃការធ្វើឲ្យដៃគូរបស់អ្នកមានអារម្មណ៍ពុះកញ្ជ្រោល ត្រេកត្រអាល គឺការចាប់ផ្ដើមការថើបជញ្ជក់មាត់ និងបបោសអង្អែលឲ្យបានគ្រប់ក្រឡុកក្រលៀតកៀនកោះទាំងអស់។

- ចំណុចសំខាន់បំផុត និងជាគ្រឹះចម្បងបំផុតនៃសិច គឺការកំដៅសាច់ដុំ (បបោសអង្អែលមុនពេលចាប់ផ្ដើមរួមភេទ)។ ការធ្វើបែបនេះ នឹងធ្វើឲ្យដៃគូរបស់អ្នក ចូលរួមជាមួយអ្នកដោយមិនស្ទាក់ស្ទើរ និងអាចឲ្យអ្នក ធ្វើឲ្យដៃគូរបស់អ្នកមានអារម្មណ៍ពិសេសបំផុត ដែលមិនអាចបំភ្លេចបាន។

- ខណៈពេលដែលកំពុងដំណើរការ (សិច) អ្នកត្រូវចេះធ្វើយ៉ាងណាឲ្យដៃគូរបស់អ្នកដឹងថា គាត់គឺជាមនុស្សតែមា្នក់គត់ ដែលអ្នកមិនអាចខ្វះបាន ហើយគឺជាមនុស្សម្នាក់គត់នៅលើផែនដីដ៏ធំល្វឹងល្វើយនេះ ដែលអ្នកផ្ញើវាសនាទៅលើ។ ត្រូវឲ្យគាត់ដឹងថា តើអ្នកមានអារម្មណ៍អស្ចារ្យ និងកក់ក្ដៅយ៉ាងណាពេលបាននៅក្បែរទ្រូងរបស់គាត់។ ដៃគូរបស់អ្នកនឹងពិតជារីករាយ និងមិនអាចចាកចោលមនុស្សម្នាក់ដែលឲ្យតម្លៃគាត់នោះទេ។

- ប្រើប្រាស់សម្លេងរបស់អ្នក៖ ការនៅស្ងាត់ជ្រាបមិនហើបមាត់សូម្បីតែបន្តិច នឹងធ្វើឲ្យដៃគូរបស់អ្នកមិនដឹងថាអ្នកមានអារម្មណ៍បែបណានោះទេ។ ចូរប្រើសម្លេងរបស់អ្នក ដើម្បីឲ្យដៃគូអ្នកដឹងថា អ្នកមានអារម្មណ៍យ៉ាងណានៅពេលដែលគាត់ប៉ះអ្នក។ អ្នកអាចប្រើសម្លេងនេះ ដើម្បីបញ្ជាក់ពីអារម្មណ៍រំភើប ត្រេកត្រអាល និងមានសេចក្ដីសុខបំផុតពេលដែលដៃទាំងគូរបស់ដៃគូអ្នកប៉ះផ្នែកណាមួយនៃរាងកាយរបស់អ្នក។ ការធ្វើបែបនេះ គឺជាការលើកទឹកចិត្តមួយដ៏ប្រសើរ។ មិនត្រឹមតែប៉ុណ្ណោះទេ សម្លេងនេះ ក៏ជាការបញ្ជាក់ប្រាប់ពីដំណើរនៃការនាំអ្នកទៅកាន់ឋានសួគ៌ផងដែរ។ ប្រសិនបើអ្នកអៀន មិនហ៊ានបញ្ចេញនូវសម្លេងថ្ងួចថ្ងូរនេះទេ អ្នកក៏អាចបញ្ចេញតាមរយៈកាយវិការនៃរាងកាយរបស់អ្នកផងដែរ។

- ជាទូទៅ ការគិតថា បបូរមាត់ ក និងត្រចៀក គឺជាកន្លែងដែលដៃគូអ្នកមានអារម្មណ៍ពោះកញ្ជ្រោលនោះ គឺមិនត្រឹមត្រូវទាំងស្រុងនោះទេ។ គ្រប់ផ្នែកនៃរាងកាយ គឺជាកន្លែងដែលអ្នកគួរអនុវត្ត មិនមែនតែពីរបីកន្លែងនេះទេ។ ប៉ះ បបោសអង្អែលរាងកាយទាំងមូលរបស់គាត់ ការម៉ាស្សា ឬការប្រើតិចនិចផ្សេងៗទៀត ដែលអ្នកចេះ ដូចជាការថើប ការស្ទាប ការលិទ្ធ ឬអ្វីផ្សេងៗទៀត ដែលអ្នកគិតថាអាចប្រើការបាន។

សរុបមកវិញ សិចពិតជាសំខាន់ណាស់សម្រាប់ជីវិតអាពាហ៍ពិពាហ៍របស់លោកអ្នក តែកុំភ្លេចវាក៏អាចបំផ្លាញជីវិតអាពាហ៍ពិពាហ៍របស់អ្នកបានផងដែរ ប្រសិនបើអ្នកមិនប្រើវាឲ្យបានត្រឹមត្រូវ៕

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕