ស្រ្ដរ​ប៊ើរី អាច​ជំនួយ​ក្រពះ​របស់​អ្នក​ផឹក​គ្រឿង​ស្រវឹង

ផ្លែស្រ្តរប៊ើរី

ប្រសិនបើអ្នកជាមនុស្សចូលចិត្តទទួលទានគ្រឿងស្រវឹង នេះគឺជាដំណឹងល្អថ្មីមួយសម្រាប់លោកអ្នក។ យោងតាមការរកឃើញថ្មីមួយរបស់ក្រុមអ្នកស្រាវជ្រាវ បានបង្ហាញថា ការញ៉ាំផ្លែស្រ្ដរប៊ើរី ឬផឹកទឹកផ្លែស្រ្ដរប៊ើរី នឹងជួយកាត់បន្ថយផលប៉ះពាល់របស់គ្រឿងស្រវឹងចំពោះក្រពះរបស់អ្នកបាន។

ប្រិយមិត្តទាំងអស់គ្នាប្រហែលជាដឹងហើយថា ការផឹកគ្រឿងស្រវឹង គឺពិតជាមិនល្អនោះទេសម្រាប់ក្រពះរបស់យើង ដែលនេះគឺដោយសារជាតិអេតាណុល ដែលមាននៅក្នុងគ្រឿងស្រវឹងទាំងនោះ បានបំផ្លាញក្រពះ រហូតឈានដល់ការកើតជំងឺរលាកក្រពះទៀតផង។

ដើម្បីរកឲ្យឃើញពីផលប្រយោជន៍នៃស្រ្ដរប៊ើរីក្នុងការការពារក្រពះ ដែលបណ្ដាលមកពីគ្រឿងស្រវឹង ក្រុមអ្នកស្រាវជ្រាវដែលមកពីអ៊ីតាលី ស៊ើប៊ី និងអេស្ប៉ាញ បានធ្វើការពិសោធន៍ទៅលើសត្វកណ្ដុរ។ ក្នុងកំឡុងពេល១០ថ្ងៃ កណ្ដុរសម្រាប់ពិសោធន៍ទាំងនោះ ត្រូវគេផ្ដល់ឲ្យនូវផ្លែស្រ្ដរប៊ើរី ៤០ក្រាមក្នុងមួយថ្ងៃ មុនពេលបញ្រ្ចកស្រាចូល។

ក្រោយពីរយៈពេល១០ថ្ងៃនេះ ក្រុម អ្នកស្រាវជ្រាវបានរកឃើញថា សត្វកណ្ដុរភាគតិចណាស់ដែលកើតជំងឺរលាកក្រពះ បើប្រៀបធៀបជាមួយនឹងកណ្ដុរដែលមិនទទួលបានផ្លែស្រ្ដរប៊ើរី។

ឆ្លើយតបចំពោះការរកឃើញនេះ លោក Sara Tulipani មកពីសាកលវិទ្យាល័យបាសេឡូណា ដែលជាអ្នកដឹកនាំការសិក្សានេះ បាននិយាយថា ផលវិជ្ជមានរបស់ស្រ្ដរប៊ើរី គឺមិនត្រឹមតែមានសារធាតុប្រឆាំងអុកស៊ីតកម្មប៉ុណ្ណោះទេ ប៉ុន្ដែធាតុពិតវាថែមទាំងអាចការពាររាងកាយយើងពីជំងឺបានទៀតផង។

គូរបញ្ជាក់ផងដែរថា ការសិក្សានេះមិនបានរកឃើញថា ស្រ្ដរប៊ើរីអាចជួយកាត់បន្ថយភាពស្រវឹងបាននោះទេ គ្រាន់តែអាចជួយដល់ក្រពះដែលកំពុងលិចលង់ក្នុងសុរាប៉ុណ្ណោះ។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕