ខ្យល់មានសារសំខាន់ណាស់សំរាប់មនុស្ស គឺដូចទឹក និងអាហារដែរ។ ហើយសួតរបស់យើងគឺជាសរីរាង្គតែមួយគត់សំរាប់ស្រូបយកខ្យល់អុកស៊ីសែនចូល ហើយបញ្ចេញមកវិញឧស្ម័នកាបូនិច។ ដូចនេះធ្វើឲ្យសួតរបស់អ្នកឲ្យមានភាពរឹងមាំគឺសំខាន់ណាស់។ខាងក្រោមនេះជាចំណុចមួយចំនួនដែលធ្វើឲ្យសួតរបស់អ្នករឹងមាំ៖
ទីមួយ ធ្វើលំហាត់ប្រាណការដកដង្ហើមរបស់អ្នក ឲ្យបានទៀងទាត់។ អ្នកប្រហែល ជាគិតថាវាគ្មានប្រយោជន៍នោះទេ តែធ្វើលំហាត់ប្រាណការដកដង្ហើមជួយធ្វើឲ្យអ្នកដកដង្ហើមបានស្រួល និងជួយឲ្យសួតរបស់អ្នកបានហាត់ប្រាណទៀតផង។ អ្នកត្រូវការហាត់ប្រាណ ដូចនេះសួតរបស់អ្នកក៏ត្រូវការហាត់ប្រាណដែរ។ ឈរ ឬអង្គុយ ឲ្យត្រង់ខ្លួន នៅក្នុងបន្ទប់មួយដែលមានខ្យល់បក់ចេញចូលគ្រប់គ្រាន់ ឬក៏នៅក្នុងសួនច្បាររបស់អ្នកក៏បាន។ ដកដង្ហើមចូលមួយៗយឺតៗ តាមរន្ធច្រមុះរបស់អ្នក ឲ្យបានវែងៗ ឲ្យបាន ៤វិនាទី ដោយបិទមាត់របស់អ្នកកុំឲ្យមានខ្យល់ចេញតាមមាត់។ ការធ្វើបែបនេះធ្វើឲ្យសួតរបស់រីកធំ និងមានភាពរឹងមាំជាងមុន។ ហើយម្យ៉ាងទៀតវាធ្វើឲ្យអ្នកមានអារម្មណ៍ធូរស្បើយច្រើន បំបាត់ភាពតានតឹង។ គួរធ្វើពេលព្រឹក ទើបល្អ ប្រសើរ គឺមុនពេលអ្នកទៅរៀន ឬ ទៅធ្វើការ។ នៅពេលយប់ក៏បានដែរប្រសិនបើអ្នកអាចធ្វើបាន។
ទីពីរ ធ្វើលំហាត់ប្រាណបន្ថែម ដូចជាលេងកីទ្បា ដើរកំសាន្ត និងរត់ ឬក៏ហែលទឹកក៏បានដែរ។ ការធ្វើបែបនេះវារឹតតែជួយឲ្យសួតរបស់អ្នក ដកដង្ហើមបានស្រួលជាងមុន និងធ្វើឲ្យសួតរបស់អ្នកមានដំណើរការស្រួលជាងមុន។
ទីបី ញុំាអាហារដែលមានតុល្យភាព។ អាហារបន្លែ និងផ្លែឈើគឺល្អណាស់សំរាប់សួតរបស់អ្នក ព្រោះ ជាតិវីតាមីន មាននៅក្នុងបន្លែ និងផ្លែឈើ ជួយធ្វើឲ្យសួតអ្នកមានសុខភាពល្អ។ ជៀសវាងការញុំាអាហារ មានជាតិខ្លាញ់ច្រើន ព្រោះថាវាមិនល្អទេសំរាប់សួតរបស់អ្នក។
ទីបួន កុំនៅកន្លែងដែលមានផ្សែង ជាពិសេសផ្សែងបារី។ អ្នកប្រាកដជាដឹងថាផ្សែងបារីមានផលប៉ះពាល់ដល់សួតរបស់អ្នកដូចម្តេចខ្លះជាមិនខាន។
ទីប្រាំ ទៅលេងសមុទ្យឲ្យបានយ៉ាងតិច មួយដងក្នុងមួយឆ្នាំ ដើម្បីស្រូបយកខ្យល់អាកាសបរិសុទ្ធ និងកំសាន្តជាមួយបរិស្ថានថ្មី។ ការធ្វើបែបនេះវាអាចជួយសំអាតជាតិកខ្វក់នៅក្នុងសួតរបស់អ្នកបាន ហើយធ្វើឲ្យសួតអ្នកបានក្លាយជាសួតថ្មីម្តងទៀត(មិនពិត ១០០%ទេ)។ នៅពេលទៅដល់សមុទ្រអ្នកគួរព្យាយាមដកដង្ហើមវែងៗឲ្យបានច្រើន។ អ្នកគួរផ្តោតអារម្មណ៍ទៅលើសួតរបស់អ្នក ហើយដកដង្ហើមចេញចូលឲ្យបានច្រើន។
|
អស់លោកអ្នក ដែលកំពុងទស្សនាគេហទំព័រនេះជាទីគោរព:
|
0 comments:
Post a Comment