ព្រះច័ន្ទខិតជិតផែនដី បង្កគ្រោះមហន្តរាយ

ព្រះច័ន្ទ និងផែនដី

ភពផែនដីរបស់យើងនឹងអាចមានភាពមិនប្រក្រតីមួយចំនួនកើតឡើង នៅសប្ដាហ៍ក្រោយនេះ ដោយសារតែព្រះច័ន្ទដ៏ធំមហិមាបានរំកិលខ្លួនមកជិត ដែលអ្នកវិទ្យាសាស្រ្ដខ្លះទស្សន៍ទាយថា អាចបណ្ដាលឲ្យមានភាពវឹកវរចលាចល ដែលបណ្ដាលមកពីបញ្ហាអាកាសធាតុ។

ព្រះច័ន្ទនឹងធ្វើដំណើរមកជិតផែនដីនៅរយៈចម្ងាយត្រឹមតែជាង ២២ម៉ឺនម៉ាយតែប៉ុណ្ណោះ នៅថ្ងៃទី១៩ ខែមីនាខាងមុខនេះ ដែលចម្ងាយនេះ ជាចម្ងាយដែលជិតបំផុតក្នុងរយៈពេល ១៨ឆ្នាំចុងក្រោយនេះ។

អ្នកវិទ្យាសាស្រ្តមួយចំនួន បានព្រមានថា នឹងអាចមាននូវគ្រោះធម្មជាតិធំៗមួយចំនួន នៅទូទាំងពិភពលោក រួមមានការរញ្ជួយដី រហូតដល់ រលកយក្ស ស៊ូណាមិ ជាដើម។

បាតុភូត សមីសង្គតនៃព្រះច័ន្ទ ( Lunar Perigee) ដែលមានន័យថា ព្រះច័ន្ទធ្វើដំណើរខិតមកជិតផែនដីនេះ ធ្លាប់បានកើតមានបួនដងមកហើយ ពោលគឺនៅឆ្នាំ ១៩៥៥, ១៩៧៤, ១៩៩២ និងចុងក្រោយនៅឆ្នាំ ២០០៥។ ឆ្នាំនីមួយៗដែលជួបបាតុភូតនេះ មានការកើតឡើងនូវបញ្ហាអាកាសធាតុអាក្រក់ហួសប្រមាណ។

លោក ចន ឃេតលេ ( Jonh Kettley) ដែលជាអ្នកព្យាករណ៍អាកាសធាតុតាមទូរទស្សន៍មួយ បាននិយាយថា ព្រះច័ន្ទមិនអាចបង្កគ្រោះរញ្ជួយដីបានទេ ប៉ុន្តែវានឹងបណ្ដាលឲ្យកំពស់ទឹកសមុទ្ទមានភាពប្រែប្រួលខុសធម្មតា។

ប្រសិនបើបាតុភូតនេះកើតឡើង បូកបញ្ចូលនឹងលក្ខខ័ណ្ឌអាកាសធាតុនាពេលនេះផង វានឹងបណ្ដាលឲ្យមានបញ្ហាអាក្រក់មួយចំនួនកើតឡើងនៅតំបន់ឆ្នេរ។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕