គេង​ច្រើន​ បង្កើន​ជំនាញ​គណិត​វិទ្យា

សិក្សកំពុងរៀនគណីតវិទ្យា

ប្រសិនបើអ្នកជួបប្រទះនូវការពិបាកក្នុងការរៀនគណិតវិទ្យា ឬក៏ពិបាកក្នុងការចងចាំនូវរូបមន្ដគណិតវិទ្យាដ៏ស្មុគស្មាញនោះ អ្នកអាចសាកល្បងនូវវិធីដ៏ងាយស្រួលមួយគឺចាកចេញពីតុរៀនរបស់អ្នក ទៅលើគ្រែរបស់អ្នកដើម្បីគេង។

ការរកឃើញថ្មីមួយរបស់ក្រុមអ្នកជំនាញបានបង្ហាញថា ក្មេងជំទង់ដែលគេងលក់គ្រប់គ្រាន់ ឬគេងបានច្រើនម៉ោងនៅពេលយប់ គឺនឹងមានសមត្ថភាពខ្ពស់ក្នុងការរៀនគណិតវិទ្យា ហើយនឹងបានពិន្ទុល្អក្នុងមុខវិទ្យានេះ។

យោងតាមការសិក្សាថ្មីនេះ បានឲ្យដឹងថា អ្នកដែលគេងបានជាមធ្យម៦ម៉ោង (ក្មេងជំទង់) ទៅដល់១០ម៉ោងក្នុងមួយយប់ នឹងមានភាពប្រសើរក្នុងការរៀនមុខវិជ្ជាគណិតវិទ្យានៅសាលា បើប្រៀបធៀបជាមួយនឹងអ្នកដែលគេងតិចជាង៦ម៉ោងក្នុងមួយយប់ ឬគេងច្រើនជ្រុល (លើស១០ម៉ោង)។

ក្រុមអ្នកស្រាវជ្រាវដែលមកពីសាកលវិទ្យាល័យ Granada និង Junta de Andalucia បានធ្វើការវិភាគលើចំនួនម៉ោងនៃការគេង ជាមួយនឹងផលប៉ះពាល់ចំពោះការរៀន ចំពោះក្មេងសិស្សសាលាចាប់ពីអាយុ ១២ ដល់១៩ឆ្នាំចំនួន ៥៩២នាក់។

ក្មេងសិស្សសាលាដែលចូលរួមទាំងអស់ ត្រូវបានគេតម្រូវឲ្យឆ្លើយនូវសំណួរពីរ ដែលទីមួយទាក់ទងនឹងរយៈពេលគេង និងទីពីរទាក់ទងនឹងសមត្ថភាព និងភាពវាងវៃក្នុងការគិត។

ក្រោយពីបានធ្វើការវិភាគ ជាលទ្ធផលបានបង្ហាញថាសិស្សដែលគេងបានគ្រប់គ្រាន់ ឬបានច្រើន គឺមានសមត្ថភាពខ្ពស់ក្នុងការរៀនគណិតវិទ្យាបានប្រសើរ។

ការសិក្សានេះក៏បានរកឃើញទៀតដែរថា សិស្សដែលឆាប់ចូលគេងពេក ហើយភ្ញាក់ពីគេងយឺត ពោលគឺគេងច្រើនម៉ោងជ្រុល ក៏ទទួលបាននូវពិន្ទុទាបពេលរៀនគណិតផងដែរ បើប្រៀបធៀបជាមួយសិស្សដែលគេងលក់គ្រប់គ្រាន់។ឮ

សរុបមកវិញ គេងតិចពេកក៏មិនល្អ ហើយការគេងច្រើនពេក ក៏មិនល្អនោះដែរសម្រាប់អ្នកដែលស្ថិតក្នុងវ័យសិក្សា និយាយជារួមគឺត្រូវគេងលក់ឲ្យបានគ្រប់គ្រាន់ ជាមធ្យមពី៦ ទៅ១០ម៉ោងក្នុងមួយយប់។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕