Chris Staniforth ស្លាប់​ដោយ​សារ​តែ​លេង​ហ្គេម​យូរ​ពេក

បុរសម្នាក់ឈ្មោះ Chris Staniforth ត្រូវបានស្លាប់បន្ទាប់ពីលេងហ្គេមរបស់គាត់រហូតដល់ ១២ ម៉ោង។ គាត់បានស្លាប់កាលពីខែ ឧសភា ដោយសារអាការជំងឺម្យ៉ាងដែលមានឈ្មោះថា DVT (deep vein thrombosis)។ ជំងឺបើតាមខ្ញុំយល់ គឺវាទាក់ទងនឹងឈាមដែលនៅក្នុងសរសៃឈាមរបស់យើង កាលណាយើងអង្គុយលេងហ្គេមយូរពេក ដោយមិនធ្វើចលនាដៃជើងសោះ វាអាចធ្វើឲ្យឈាមរបស់យើងទ្បើងខាប់ ហើយនៅពេលដែលឈាមខាប់ៗនេះធ្វើដំណើរទៅដល់សួតរបស់អ្នក វានឹងធ្វើការរារាំងបាំងមិនឲ្យឈាមរត់ទៅមកបានស្រួលទ្បើយ នៅពេលនោះជាលិទ្ធផលគឺសេចក្តីស្លាប់។

ឪពុករបស់ លោក Chris Staniforth គឺលោក David Staniforth បាននិយាយថា កូនរបស់គាត់ប្រហែលជាស្លាប់ដោយសារតែ អាការៈជំងឺ DVT នេះជាមិនខាន ព្រោះកូនរបស់គាត់លេងហ្គេម យូរៗណាស់ រហូតដល់ ទៅ ១២ម៉ោងក៏មានដែរ។ ហើយបើតាមការស្រាវជ្រាវរបស់គាត់ លោក David Staniforth បានរកឃើញថា ដុំឈាមខាប់ៗត្រូវបានប្រមូលផ្តុំនៅជើងខាងឆ្វេងរបស់កូនគាត់ ខណៈពេលដែលកូនគាត់ចំណាយពេលលេងហ្គេម Online លេងជាមួយហ្គេម Xbox។

លោក David Staniforth និយាយបែបនេះមិនមែនមានបញ្ហាជាមួយអ្នកដែលបង្កើតហ្គេមនោះទេ គឺគាត់គ្រាន់តែចង់បញ្ជាក់ថា លេងហ្គេមយូរពេកអាចមានគ្រោះថ្នាក់ដល់ជីវិត បើយើងជាអ្នកលេងហ្គេម មិនធ្វើចលនាដៃជើងសោះ។

ក្រុមហ៊ុម Microsoft ជាអ្នកបង្កើតហ្គេមសំរាប់ ឧបករណ៍លេងហ្គេម Xbox បានឲ្យដឹងផងដែរថា យើងបានប្រាប់អ្នលលេងហ្គេមរបស់យើងជាមុនហើយ គឺឲ្យលេងឲ្យឆ្លាត និង ឲ្យមានសុវត្តិភាព។ យើងក៏បានបញ្ជាក់ដែរថាឲ្យអ្នកលេងហ្គេម សម្រាក ខ្លះដើម្បីធ្វើលំហាត់ប្រាណបន្តិចបន្តួចហើយចាំលេងបន្តទៀត។

សូមអ្នកលេងហ្គេមទាំងអស់ ឬក៏អ្នកដែលមានមិត្តភ័ក្តិលេងហ្គេមទាំងអស់ ម្តាយ និងឪពុកដែលមានកូនចូលចិត្តលេងហ្គេម Online ប្រាប់អ្នកដែលចូលចិត្តលេងហ្គេមផង ពីគ្រោះថ្នាក់ដែលកើតទ្បើងដោយការលេងហ្គេមយូរពេកនេះផង។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕