តើគួរហាន់សាច់ដោយវិធីណាដើម្បីកុំឱ្យសាច់នោះស្វិត ?

តើគួរហាន់សាច់ដោយវិធីណាដើម្បីកុំឱ្យសាច់នោះស្វិត ?       នេះគឺជាចំណុចចំណង់ចំនូលចិត្តមួយឬក៏អាចជាវិធីចំណេះដឹង ទូទៅសំរាប់ស្ត្រីដែលមានតួនាទីជាអ្នកចំអិនអាហារដើម្បីផ្ទត់ផ្គង់គ្រួរសារ និងកូនចៅប្រចាំថ្ងៃនោះ។បញ្ហារឿងសាច់ក្រោយពេលចំអិនហើយប្រែ

ក្លាយទៅជាមានសភាពមួយស្វិតដូចទំពារដុំកៅស៊ូនោះវាជារឿងមួយរំខានចិត្តស្ត្រីមេផ្ទះគ្រប់ពេល វេលា ក្រោយពេលចំអិនអាហារដោយមិនបានយល់ពីវិធីហាន់សាច់នោះ។       វិធីដែលយើងអាចនាំយកមកប្រើធ្វើឱ្យសាច់ចំអិនជាអាហារមានស្ថានភាពផុយមិនស្វិតសោះ យើងណែនាំឱ្យអ្នកចាប់ផ្តើមពីការជ្រើសរើសទិញសាច់មកចំអិនជាអាហារមុនសិន។ដំបូងឡើយ តោងប្រើម្រាមចង្អុលចុចសង្កត់ទៅលើដុំសាច់នោះហើយពិនិត្យមើលថាតើវាប៉ោងឡើងមកវិញ តាមដៃដែរឬអត់។បន្ទាប់មកយកវាមកហាន់ដើម្បីត្រៀមជាអាហារនោះណែនាំឱ្យហាន់តាមឆ្នូត សរសៃទទឹងនៅលើសាច់ហើយក៏ហាមកុំហាន់ជាចំណិតក្រាស់ៗផងដែរ។       ក៏ប៉ុន្តែប្រសិនបើសាច់ស្វិតពិតមែននោះទោះបីជាហាន់ស្តើងក៏ដោយហាន់តាមទទឺងសាច់ ក៏ដោយក៏នៅតែមិនអាចជឿទុកចិត្តបានដូច្នេះណែនាំឱ្យយកសាច់ដែលប្រើចំអិនជាអាហារទៅ ផ្អាប់ទុកជាមុនសិនដែលវិធីអាចផ្អាប់ដោយទឹកប៉េងបោះឬទឹកខ្មះក៏ជ័រល្ហុង។ក្នុងនោះក៏មានវិធីផ្អាប់ ដ៏ទៃទៀតផងដែរដូចជាផ្អាប់ដោយពងមាន់ដើម្បីឱ្យសាច់មាន់មានស្ថានភាពទន់និងមានឱជារស ឆ្ងាញ់គួរឱ្យទទួលទានកាន់តែខ្លាំងឡើង។ � � � � � � � �          ដកស្រង់ចេញពីការសែតកម្ពុជាថ្មី ឆ្នាំទី៧ លេខ១៥៥១                ចុះថ្ងៃ អង្គារ ទី ២២ ខែ មករា ឆ្នាំ ២០០៨

តើមានវិធីបែបណាដើម្បីឱ្យមានសុវត្ថិភាពក្នុងការលាងបន្លែស្រស់

តើមានវិធីបែបណាដើម្បីឱ្យមានសុវត្ថិភាពក្នុងការលាងបន្លែស្រស់         នៅពេលស្ត្រីមេផ្ទះទិញបន្លែមកនោះគួរតែលាងដោយទឹកស្អាត យ៉ាងហោចណាស់២ដង។បន្ថែមដែលមានដង្កូវចោះគួរត្រាំដោយទឹក អំបិលមួយស្របក់ធំដង្កូវនិងសត្វល្អិតវានឹងចេញមកក្រៅរួចហើយ

ប្រញាប់ស្រង់យកវាទៅលាងទឹកស្អាតម្តងទៀត។ឬប្រសិនបើបន្លែទាំងនោះមានជាប់ដីមកជាមួយ គួរត្រាំទឹកទុកមួយស្របក់ដើម្បីទុកឱ្យដីវារលាយងាយស្រួលក្នុងការលាងឆាប់បានជ្រះស្អាត។​ ខាងក្រោមនេះគឺជាវិធីដែលជួយណែនាំអ្នកឱ្យលាងបន្លែទទួលបាននូវសុវត្ថិភាពផុតពីសារជាតិ ពុល។       ១.លាងបន្លែដែលគួរក្តិចចេញជាសន្លឹកៗ រួចហើយដាក់ត្រាំទឹកចោលរយះពេល១៥នាទីវា អាចជួយកាត់បន្ថយសារជាតិពុលបានពី៧-៣៣ភាគរយ។ប្រសិនបើលាងបន្លែតាមកំលាំងទឹកហូរវា ជួយកាត់បន្ថយសារជាតិពុលបានប្រមាណពី៥៤-៦៣ភាគរយ។       ២.ការស្រុះដោយទឹកក្តៅវាជួយួកាត់បន្ថយបរិមាណជាតិពុលបាន៥០ភាគរយតែប្រសិនបើ លាងមិនស្អាតរួចហើយយកទៅស្លនោះសារជាតិពុលនិងមាននៅលាយឡំក្នុងទឹកសម្លនោះឯង។      ៣.លាងដោយកាស្យូមប៊ីកាបូណេតក្នុងអត្រាចំណែកម្សៅមេមួយស្លាបព្រាបាយក្នុងចំណុះទឹក ១ធុងដែលដោយត្រាំរយះពេល១៥នាទីវានឹងជួយកាត់បន្ថយសារជាតិពុលបានពី៩០-៩៥ភាគរយ។       ៤.លាងបន្លែដោយផ្សំទឹកខ្មេះ០.៥ភាគរយត្រាំទុកពី១៥-៣០នាទីនិងជួយកាត់បន្ថយសារជាតិ ពុលបានប្រមាណ៦០-៨៤ភាគរយនិងថែមទាំងជួយសម្លាប់មេរោគព្រមទាំងបំផ្លាញពងព្រូនបាន ផងដែរ។      ៥.គួរបកសំបកឬក៏ស្រទាបធៀងខាងក្រៅចោលចេញពី២-៣សន្លឹកព្រោះសារជាតិពុលភាគ ច្រើនវាសន្សំនៅខាងច្រើនត្រង់បរិវេណស្រទាបឬសំបកខាងក្រៅនោះឯង។         ដកស្រង់ចេញពីកាសែត កម្ពុជាថ្មី ឆ្នាំទី៧ លេខ១៧២៩                ថ្ងៃអង្គារ ទី២៦ ខែសីហា ឆ្នាំ២០០៨

វិធីស្ងោរត្រីឱ្យមានសាច់រឹងមិនរលួយ

វិធីស្ងោរត្រីឱ្យមានសាច់រឹងមិនរលួយ         រឿងធ្វើម្ហូបអាហារចាត់ទុកថាជាភារកិច្ចមួយដ៏សំខាន់សំរាប់ស្ត្រី មេផ្ទះគ្រប់រូបដែលនាងចាំបាច់ស្វែងយល់ពីពិធីធ្វើម្ហូបបែបងាយៗក៏ប៉ុន្តែ មានគុណភាពសំរាប់ផ្គាប់ចិត្តគ្រួសារប្រចាំថ្ងៃ។ខាងក្រោមនេះគឺជា

គន្លឹះអាថ៌កំបាំងដែលពាក់ព័ន្ធទៅនឹងការធ្វើម្ហូបប្រភេទស្ងោរត្រីដែលជាទូទៅក្រោយពីចំអិនបាន ឆ្អិនហើយនោះតែងតែជួបបញ្ហាសាច់ត្រីរលះរលួយមើលទៅឃើញសភាពមិនគួរឱ្យចង់ទទួល ទាន។      ជាការពិតសំរាប់រឿងនេះមើលទៅហាក់ដូចជារឿងដែលពិបាកសំរាប់ស្ងោរត្រីបែបណាដើម្បី សាច់នៅរឹងល្អមិនរលះរលួយក៏ប៉ុន្តែឆ្អឹងខាងក្នុងផុយល្អដូចជាអ្នកធ្វើម្ហូបអាជីពទូទៅ។ក៏ប៉ុន្តែការ ពិតវាមិនពិបាកទាល់តែសោះដោយគ្រាន់តែស្ត្រីជាមេផ្ទះអាចធ្វើបានដោយខ្លួនឯងដូចខាងក្រោម នេះ៖        -ណែនាំឱ្យយកដើមអំពៅស្រស់មកសកសំបកចេញរួចហើយតំរៀបគ្នាដាក់នៅបាតឆ្នាំង ដែលត្រូវស្ងោរត្រីបន្ទាប់មកយកត្រីតំរៀបពីលើហើយដាក់លើចង្ក្រានស្ងោរប្រមាណពី៣០ទៅ៤០ នាទីនោះត្រីរបស់អ្នកនៅរក្សាសភាពបានស្អាតសាច់រឹងល្អតែឆ្អឹងខាងក្នុងផុយ។        -ចំណុចសំខាន់ស្ត្រីជាមេផ្ទះមិនចាំបាច់ខ្លាចថារសជាតិរបស់អំពៅវាលុបបាត់រសជាតិរបស់ ត្រីហើយក្លាយទៅជាត្រីផ្អែនោះទេព្រោះជាតិស្ករនៅក្នុងអំពៅវាជួយឱ្យមានរសជាតិផ្អែមដែលមាន នៅក្នុងសាច់ត្រីកាន់តែមានរសជាតិល្អប្រសើរឡើងថែមទៀត។          ដកស្រង់ចេញពីកាសែត កម្ពុជាថ្មី ឆ្នាំទី៧ លេខ១៦៦៦                ថ្ងៃសុក្រ ទី១៣ ខែមិថុនា ឆ្នាំ២០០៨

របៀប​ធ្វើ ទឹក​ក្រូច​ឆ្មា Lemon Drop Liqueur(Cocktail)

Lemon Drop Liqueur

ចំណាំ

ចំពោះ​សា​ជាតិ​អាកុល ក្នុង​១​ក្រាម​វា​ផ្តល់​ឲ្យ​យើង ៧ កាទ្បូរី តែ​វា​មិន​បាន​ផ្តល់​ឲ្យ​យើង​ជា​សារជាតិ​អា​ហារ​ទេ។ដូច្នេះ​កុំពិសា​វា​ច្រើន​ពេក។​

គ្រឿង​ផ្សំ

ស្ករស ២ពែង  ទឹក​១ពែង  សំបកក្រូច​ ៥​ផ្លែ​ ​កាត់​វា​ជា​ចំ​និតៗ ទឹក​Vodka ៣ពែង ទឹក​ក្រូច​ឆ្មា ១/៤ ពែង

របៀប​ធ្វើ

ចាក់​ទឹក និង​ស្ករស ទៅ​ក្នុង​ឆ្នាំង​ដែល​មាន​ដៃ​សំរាប់​កាន់ ហើយ​ដុត​ភ្លើង​កំដៅ​ល្មម ប្រ​ហែល ៥​នាទី ឬក៏​រហូត​ដល់​ពេល ស្ករ​ រលាយ កូរ​វា​ជារឿយៗ។ យក​វា​ចេញ​ពី​ចង្ក្រាន កូរ​វា​ជាមួយ​សំបក​ក្រូច។​នៅ​ពេល​ត្រជាក់ ដាក់ ទឹក​ក្រូច​ និង​ Vodka ចូល។

ដាក់​ទឺក​សំលាប់​មេរោគ Sterilizeចំនួន ពីរ​គំរប​ដប។ អ្នក​ត្រូវ​ការ​ក្រ​ទ្ប ដើម្បី​ដាក់វា។ រួច​ហើយ​អ្នក​ចាក់​ទឹក​ដែល​បាន​លាយ​រួច ​ដាក់​ក្នុង ក្រ​ទ្ប​ហើយ​គ្រប​វា​ជា​មួយ គំរប​ដែក​។ ទុក​វា​នៅ​កន្លែង​ត្រជាក់​ និង​ងងឺត ប្រហែល ៣ សប្តាហ៍ ត្រូវ​ក្រទ្បុក ក្រ​ទ្ប​ពីរ ទៅ​ បី​ថ្ងៃ​ម្តង។ បន្ទាប់​ពី ៣​សប្តាហ៍​ អ្នក​ត្រូវ​យក ស្បៃស្អាតដាក់​វា​ពីរ​ជាន់​ដើម្បី សំរិត​ទឹក​ចេញ​ពី​ក្រ​ទ្បយក​កាក​ចេញ។ ធ្វើ​បែប​នេះ ទឹក Vodka ដែល​យើង​បាន​លាយ​រួច ​វា​ស្អាត​ជាង​មុន។ បន្ទាប់​មក លាង ក្រទ្ប​ចេញ​ហើយ​ចាក់​ វា​ចូល​ក្រទ្បវិញ។ ដាក់​ក្រ​ទ្ប​នៅ​ក្នុង​កន្លែង​ត្រ​ជាក់​ ឬក្នុង ទូរទឹកកក។ ទឹក​ នៅ​ក្នុង​ក្រ​ទ្ប​នេះ​អាច​ទុក​បាន​រហូត​ដល់​ ១​ឆ្នាំ ឬ​ក៏​ច្រើន​ជាង​នេះ។

នៅ​ពេល​យក​មក​ពិសា​លោក​អ្នក យក​កែវ ផ្កាប់​លើ​អំបិល​  ឲ្យ​ផ្ទៃ​មាត់​កែវ​ ព័ទ្ធ​ជុំវិញ​ដោយ​អំបិល​ ហើយ​ចាំ​ចាក់​ទឹកក្នុង​ក្រទ្ប​ចូលរួចជា​ស្រេច ។

ខួរ​ក្បាល​ និង​បេះ​ដូង​មួយ​ណា​ខ្លាំង​ជាង?

ខួរ​ក្បាល​ និង​បេះដូង

ខួរ​ក្បាល​របស់​មនុស្ស​ជា​អ្នក​គ្រប់​គ្រង​អ្វីៗ​ទាំង​អស់។​ មនុស្ស​ភាគ​ច្រើន​តែង​គិត​ដូច្នេះ។ បើ​យើង​សង្កេត​មើល​ឲ្យ​​បាន​ហ្មត់​ចត់​យើង​ឃើញថា ខួរ​ក្បាល​យើង​មិន​បាន​គ្រប់​គ្រង​ការ​បញ្ជា​ទាំងអស់​នោះ​ទេ។ ឧទាហរណ៍​ដូច​ជា​ ការ​ដក​ដង្ហើម​ ជាដើម​។​ អ្នក​ខ្លះ​គិត​ថា​ការ​ដក​ដង្ហើម​​គឹ​ត្រូវ​បាន​បញ្ជា​ដោយ​ ខួរ​ក្បាល​​ព្រោះ​ថា​យើង​​នៅ​ដឹង​ខ្លួន​នៅ​ទ្បើយនៅ​ពេល​យើង​ដក​ដង្ហើម​ចេញ​និង​ចូល​។ ចុះ​នៅ​ពេល​យើង​ដេក​លក់​ ខួរ​ក្បាល​របស់​យើងឈប់​​ធ្វើ​ការ​  អីចឹង​បាន​អ្នក​ណា​មក​បញ្ជា​ឲ្យ​យើង​ដក​ដង្ហើម​ ចេញ​និង​ចូល?

តើ​អ្នក​ប្រើ​ខួរ​ក្បាល​របស់​អ្នក បញ្ជា​បេះ​ដូង​​ឲ្យ​លោត​ផ្លោត​ៗ​រាល់​វិ​នា​ទី​ឬ? តើ​អ្នក​ស្រ​លាញ់​នរ​ណា​ម្នាក់​ដោយ​សារ​តែ​ខួរ​ក្បាល​របស់​អ្នក​បញ្ជា​ឲ្យ​អ្នក​ស្រ​លាញ់​ឬ? តើ​អ្នក​មាន​អារម្មណ៍​ឃ្លាន​បាយ ហើយ​ចង់​ញុំ​បាយ គឺដោយ​សារ​ខួរ​ក្បាល​ប្រាប់​លោក​អ្នក​មែន​​ទេ? អ្នក​ពិត​ជា​ពិ​បាក​ឆ្លើយ​ណាស់ មែន​ទេ?

បើ​តាម​ការ​សិក្សា​កន្លង​មក​ពី​អ្នក​វិ​ទ្យា​សាស្រ្ត​បាន​ឲ្យ​ដឹង​ថា ខួរ​ក្បាល​មនុស្ស​មិន​បាន​បញ្ជា​រាល់​សកម្មភាព​ទាំង​អស់​នោះ​ទេ។ ហើយ​អ្នក​វិ​ទ្យា​សាស្រ្ត​ខាង​ផ្នែក​ពេទ្យ​បាន​បញ្ជាក់​ថា​ បេះ​ដូង​របស់​ទារក​ក្នុង​ផ្ទៃ​បាន​ចាប់​ផ្តើម លោត​ នៅ​ពេល​ដែល​ទារក​មិន​ទាន់​មាន​ខួរ​ក្បាល​នៅទ្បើយ។

អ្នក​វិ​ទ្យា​សាស្រ្ត​បាន​រក​ឃើញ​ថា បេះ​ដូង​របស់​យើង​មាន​ប្រព័ន្ធ​ប្រា​សាទ ផ្ទាល់​ខ្លួន​ឯក​រាជ្យ​មួយ ដែល​គេ​បាន​ដាក់​ឈ្មោះ​ថា ខួរ​ក្បាល​មាន​នៅក្នុង​ ​បេះ​ដូង​ (The brain in the heart)។អ្នក​វិ​ទ្យា​សាស្រ្ត​និយាយ​ថា​ វា​មាន​មិន​តិច​ជាង​ ៤០០០ កោ​សិកា​ប្រាសាទ​នៅ​ក្នុង​បេះ​ដូង​របស់​យើងទេ​​។ គឺ​កោ​សិ​កា​ប្រាសាទ​ទាំង​នេះ​ហើយ​ដែល​ជួយ​ឲ្យ​បេះ​ដូង​មាន​ទំនាក់​ទំនង​នឹង​ខួរ​ក្បាល។ និយាយ​ឲ្យ​ស្រួល​ស្តាប់​គឺ​បេះ​ដូង​ជា​អ្នក​បញ្ចួន​ព័ត៌មាន​ដែល​ទាក់​ទង​នឹង អារម្មណ៍ និង​ការ​គិត​ទាំង​ទ្បាយ​ណា​ដែល​មិន​ទាក់​ទង​នឹង​ហេតុផល ឬការ​ពិ​ចារណា ទៅ​កាន់​ខួរ​ក្បាល​របស់​យើង​។

ខួរ​ក្បាល​របស់​យើង​និង​បេះ​ដូង​មាន​ទំនាក់ទំនង​យ់ាង​ជិត​ស្និត ហើយ​បើ​ខាង​ណា​មួយ​មាន​បញ្ហា​វា​នឹង​ជះ​ឥទ្ធិ​ពល​ដល់​ម្ខាង​ទៀត។ ឧទាហរណ៍​បើ​យើង​មាន​អារម្មណ៍​ល្អ យើង​ ​អាច​ធ្វើកិច្ច​ការ​ផ្សេង​ៗ​បាន​ឆាប់​រហ័ស​និង​ទទួល​បាន​លិទ្ធផល​ល្អ តែ​ប្រ​សិន​បើ​អ្នក​មាន​អារម្មណ៍​មិន​ល្អទេ​នោះ​អ្នក​ប្រហែល​ជា​មិន​អាច​បញ្ចប់​កិច្ច​ការ​នោះ​ផង​មើល​ទៅ។

បើ​មើល​ពី​សង្គម​មនុស្ស​យើង​ជាក់​ស្តែង​វិញ​យើង​ឃើញថា បេះ​ដូង​មាន​ឥទ្ធិពល​ជាង​ខួរ​ក្បាល​របស់​យើង។ ​ស្នាដែ​អក្សរ​សាស្រ្ត ខ្មែរ រឿង ទុំនិង​ទាវ អ្នកទាំងពីរ សំរេច​រឿង​គ្រប់​យ៉ាង​ទៅ​តាម​បេះ​ដូង​របស់​ គាត់​។ បើ​សិន​ជា​អ្នក​ទាំងពីរ​ យក​ខួរ​ក្បាល​មក​គិត​ ម្លោះ​គាត់​មិន​បាត់​បង់​ជី​វិត​ទេ។ មិន​ថា​តែ​ខ្មែរ​ដែល​ចាញ់​អំ​ណាច​នៃ​បេះ​ដូង សូម្បី​តែ ជន​ជាតិ​ អ៊ី​តាលី ក៏ ស្តាប់​បង្គាប់​បេះ​ដូង​ដែរ។ ឧទាហរណ៍​រឿង Romeo and Juliet គេ​ទាំង​ពីរ​ស្តាប់​តាម​ការ​បញ្ជា​របស់​បេះ​ដូង​ សុខ​ចិត្ត​ស្លាប់​ទាំងពីរ​នាក់។

អត់​ទៅ​រៀន​ផង​គួរ​ធ្វើ​អ្វី​ទៅ?

រៀន​ពេក

មួយ​ថ្ងៃ​យើង​រៀន​តាំងពី​ម៉ោង​ ៧​ដល់​ម៉ោង ១១។​អ្នក​ខ្លះ​ទៅ​រៀន​បន្ថែម​តាំ​ងពី​ម៉ោង​១​ដល់​ម៉ោង​ ៤​ជួន​កាល​ម៉ោង​៥។ ដល់​មក​ដល់​ផ្ទះ​វិញ​ចំ​ណាយ​ ១ ទៅ​ ២​ម៉ោង​បង្ហើយ​ការ​ងារ​សាលា។ ថ្ងៃ​អាទិត្យ​ក៏​រៀន មិន​អា​ទិត្យ​ក៏​រៀន​។

មូល​ហេតុ​ដែល​រៀន​ច្រើន​មាន​ពីរ៖

• ទី​មួយ​លោក​បង​ និង​អ្នកនាង ចួល​ចិត្ត​រៀន​
• ទីពីរ គាត់​មិន​ដឹង​ធ្វើ​អ្វី​ក្រៅ​តែ​ពី​រៀន បើ​មិន​រៀ​ន​វា​អត់​អី​ធ្វើ

ឥ​ទ្បួវ​យើង​នាំ​គ្នា​គិត​ទាំង​អស់​គ្នា​ បើ​អត់​ទៅ​រៀន​ផង គួរ​ធ្វើ​អ្វី​ខ្លះ?

អាន Khmersarika.com ដូចជា ព័ត៌មានថ្មីៗ​ និង​ចំ​ណេះ​ដឹង​ប្លែក​ៗ ស្តាប់​ចំរៀង​ក៏បាន លេង​ chat ជាមួយ​មិត្ត​អ្នក​ក៏​បាន។ បើចង់​ធ្វើ​អី​ឲ្យ​ បែក​ញើស យើង​អាច​ទៅ​លេង​ កី​ទ្បា នៅ​តាម​សួន​ច្បារ និងរត់​ហាត់​ប្រាណ​តាម​ ដងផ្លូវ​នានា។ បើ​ចង់​ធ្វើ​អ្វី​ផ្លែក​ៗ សួរ​ខ្លួន​ឯង​ថា​មាន​លុយ​ ឬ​អត់?

បើ​មាន​លុយ​ស្រួល​ណាស់។​ ទៅទិញ​ សំលៀក​បំ​ពាក់ ថ្មីៗ ស្បែក​ជើង​ស្អាតៗ មួក​លូយៗ​ ទៅលេង​ហ្គេម​កំ​សាន្ត​នៅ​ផ្សារ​ទំ​នើប​ក៏​បាន។ បើ​ចង់​បាន​ខ្យល់​អា​កាស​ស្រស់ថ្លា​ ជិះ​ម៉ូតូ ទៅ​មាត់​ទន្លេ ចូល​ហាង​ស្តាប់​ភ្លេង និង​រាំ​កំសាន្ត នៅ​ពេល​រាត្រី មាន​តែ ៥​ដុល្លារ គឺ​ល្មម​ហើយ។ បើ​មាន​មិត្តស្រី ប្រ​ហែល​ជា​ត្រូវការ​ច្រើន​ជាង​នេះ។

​បើអត់​លុយ​ទៅ​ណា​វិញទៅ? ងាយ​ណាស់ បើ​អត់​លុយ​យើង​ទៅ​កន្លែង​ណា​អត់​ត្រូវការ​លុយ។ ជិះកង់​ដើរ​លេង​ជាមួយ​មិត្តភ័ក្រ។ បើ​អត់​មិត្ត​ទេ ដឹក​ឆ្កែ​ដើរ​លេង ឬកាន់​កាមេរ៉ា​មួយ​ដើរ​ ថត​រូប​ Post ក្នុង Facebook លេង ឬក្នុង Twitter ប្រសិន​បើ​អ្នក​មាន។ បើ​ចង់​ជួប​មនុស្ស​ច្រើន អ្នក​អាច​ទៅ​មើល​គេ​តាំងពិ​ពណ៌ រូប​គំនូរ​ ដូចជា​នៅ​ Meta​ houseជាដើម។ អ្នក​អាច​ទៅ​សារមន្ទីរមើល​វត្ថុ​បុរាណក៏ល្អ​ម្យ៉ាង​ដែរ ភ្ញៀវ​​បរទេស​ចំណាយ​លុយ​១០ ទៅ​២០​ដុល្លារ​ទើប​គេ​ឲ្យ​ចូល បើ​ខ្មែរ​វិញ ចូល​មើល​ ១​ថ្ងៃ ២៤​ម៉ោង​ក៏​បាន កុំ​តែ​ទៅ​លួច​របស់​គេ​ដាក់​តាំង​ទៅបាន​ហើយ។

មានអ្វី​ធ្វើ​ទៀត​ទុក​ឲ្យ​អ្នក​ពិភាក្សាគ្នា​ចុះ!

​

ការច្រណែន ល្អ ឬ​អាក្រក់?

ច្រណែន

មនុស្ស​ភាគ​ច្រើន​គិត​ថា​ការ​ច្រ​ណែន​មិន​មាន​ជា​រឿង​ល្អ​ទេ​។ អ្នក​ដែល​ច្រ​ណែន​គេ​សុទ្ធ​តែ​ជា​មនុស្ស​មិន​ល្អ​។ បើ​យើង​គិត​តែ​ពី​សំបក​ក្រៅ​នៃ​ការ​ច្រ​ណែន​យើង​នឹង​មើល​មិន​ឃើញ​​ពី​អត្ថន័យ​ដ៏​ជ្រាល​ជ្រៅ​របស់​វា​ទ្បើយល។ ខ្ញុំមិន​ថា​ការ​ច្រ​ណែន​ល្អ​ ឬ​ក៏​អាក្រក់​ទ្បើយ​។​ខ្ញុំទុក​ឲ​អ្នក​សំរេច​ដោយ​ខ្លួន​ឯង​ចុះ​ ប៉ុន្តែមុន​នឹង​សំរេច​ចិត្តថា​ល្អ ឬ​អាក្រក់​​យើង​មក​សិក្សា​ឲ​ស៊ី​ជំ​រៅ​ពី​ពាក្យ​ ច្រណែន។

មនុស្ស​ដែល​រស់​នៅ​ម្នាក់ឯង​​គ្មាន​ទំនាក់​ទំនង​នឹង​ពិ​ភព​ខាង​ក្រៅ​មិន​មាន​អា​រម្ម​ណ៍​ច្រ​ណែន​ទ្បើយ។ការ​ច្រ​ណែន​កើត​ទ្បើង​បាន​ទាល់​តែ​បុគ្គល​ម្នាក់​ឃើញ ស្អី​មួយ​ ឬ​ក៏​បុគ្គល​ម្នាក់​ទៀត​ មាន​អ្វីមួយ​អស្ចារ្យ ដែល​ខ្លួន​មិន​មាន។ 

អី​ចឹង​យើង​សួរ​ថា​ តើ​ការ​ច្រ​ណែន​កើត​មក​ពី​ណា? 

ត្រង់នេះ​ខ្ញុំពិ​បាក​ឆ្លើយ​បន្តិច​ព្រោះ​យើង​មិន​អាច​មើល​​ឃើញ​ថា​ស្អី​ទៅ​ថា​ច្រ​ណែន ព្រោះ​វា​ជានាម​អរូបីយ។ បើ​សួរ​ខ្ញុំថា​អាសុខ​កើត​មក​ពីណា​​យើង​នឹង​ដឹង​ថា​ម៉ែ​អា​សុខ​ជា​អ្នក​បង្កើត​វា។ តែ​យើង​ក៏​មិន​អាច​មិន​ឆ្លើយ​សំណួរ​នេះ​បាន​ដែរ​ព្រោះថា​វា​ជា​សំណួរ​សំខាន់។​

ឧទាហរណ៍ថា​ ពូ ចេក ជាបុរស​ពោះ​មាយ​ម្នាក់​គ្មាន​ប្រពន្ធនិង​គ្មាន​កូនមួយ​គ្រាប់​សោះ គាត់​ច្រ​ណែន​ ពូ​ ចយ ​ដែលមាន​ប្រពន្ធ​ស្អាត​និង​មាន​កួន​បីនាក់។ ពូចេក​ច្រណែន​ដោយ​សារ​គាត់​មាន​ចិត្តស្រលាញ់​ ចង់​បាន​ប្រពន្ធដ៏ល្អម្នាក់​និង​មាន​កូន​នឹង​គេ។ អីចឹង​យើង​អាច​ថា​ការ​ច្រ​ណែនកើត​ទ្បើង​ពីការ​ស្រលាញ់។ វា​ត្រូវ​ម្យ៉ាង​ដែរ​ព្រោះ​ខ្ញុំបង្ហាញ​ពីការ​ច្រ​ណែន​របស់​ខ្ញុំចំពោះ​អ្នក​ណា​ម្នាក់​មក​និយាយ​ជា​មួយ​សង្សារ​របស់​ខ្ញុំ។

បើ​ច្រ​ណែន​កើត​មក​ពី​ការ​ស្រលាញ់​ ដូចនេះ​យើង​អាច​ថា​ការ​ច្រ​ណែន​ជារឿង​ ល្អ​មួយ។

ប៉ុន្តែ​បើ​យើង​មក​មើល​សង្គម​ខ្មែរ​យើង​វិញ ការ​ច្រណែននេះ​ហើយ​ធ្វើ​ឲ​ មនុស្ស​ស្រី​ម្នាក់​ ទៅ​យក​ទឹក​អាស៊ីត ជះ​លើ​មុខ​មនុស្ស​ស្រី​ម្នាក់​ទៀត។ ត្រង់​ចំនុច​នេះ​ខ្ញុំមិន​ហ៊ាន​គាំ​ទ្រ​ថា​ច្រ​ណែន​ ជា​ការ​ល្អ​ទ្បើយ​។ ព្រោះ​ថា​ការ​ជះ​ទឹក​អាស៊ីត​នេះ​ជា​រឿ​ង​ដ៏​ឃោ​ឃៅ​មួយ។ ត្រង់​នេះ​យើង​អាច​និយាយ​បាន​ថា​ ជា​ការ​ច្រ​ណែន​ជ្រុល ធ្វើ​អ្វី​មិន​គិត​ពី​ល្អ​ ឬ​អាក្រក់។ ច្រណែន​បែប​នេះ​គេ​ហៅ​ថា​ច្រ​ណែន​អា​ក្រក់។

មនុស្ស​យើង​គ្រប់​រូប​​ មិន​ថា​ចាស់​មិន​ថា​ក្មេង​ ស្រី​ ឬ​ប្រុស អ្នក​មាន​ ឬ​​អ្នក​ក្រ​ សុទ្ធ​តែ​មាន​ការ​ច្រ​ណែន​ ខុស​គ្នា​ត្រង់​ កំរិត​នៃ​ការ​ច្រ​ណែន អ្នក​ខ្លះ​ច្រ​ណែក​ខ្លាំង​ពេក អ្នក​ខ្លះ​ទៀត​ច្រ​ណែន​តិចតួច។

ប៉ុន្តែ​បើ​អ្នក ទទឺង​រឹង​រុស​ ថា​ " ទេ​ខ្ញុំមិន​ចេះ​ច្រ​ណែន​ទេ! " ។ បើដូច​នេះ​មែន​អ្នក​កំពុង​តែ​ប្រាប់​ខ្លួន​ឯង​ថា​អ្នក​មិន​ដែល​ស្រលាញ់ អ្វីៗ​ជុំវិញ​អ្នក​ទ្បើយ។ ​ 

​

សិល្បៈនៃ​ការ​សន្ទនា

ការសន្ទនា

សិល្បៈ​នៃ​ការសន្ទនា​គ្នា​គឺ​ជា​ជំ​នាញ​មួយ​ដ៏​សំខាន់​ វា​ធ្វើ​ឲ​​យើង​រក្សា​បាន​ការ​សន្ទនា​គ្នា​ក្នុង​រយៈ​ពេល​មួយ។ ការ​ចាប់​ផ្តើម​ការ​សន្ទនា​និង​ការ​រក្សា​ការ​សន្ទនា​គ្នា​គឺ​ជា​កត្តា​ពីរ​ផ្សេង​គ្នា។ ខាងក្រោម​នេះ​គឹ​​ជា​​វិធី​សាស្រ្ត​បន្តិច​បន្តួច ដែល​ជួយ​ឲ​យើង​រក្សា​បាន​នូវ​ការ​សន្ទនា​គ្នា​ឲបានយូរ។

ជំហាន​ទី​១ សន្ទនា​បែប​លក្ខណៈ​ធម្ម​ជាតិ និយាយ​និង​ស្តាប់​ទៅ​តាម​សំរួល​កុំ ខំប្រឹង​និយាយ​និង​ធ្វើ​ដូច​ជា​ខំ​ស្តាប់​ពេក។​ និយាយ​មួយៗ​ តែកុំ និយាយ យឺត​ពេក ​ស្រែក ឬ​និយាយ​ខ្លាំង​ៗ។

ជំហានទី២ យល់ពីភាព​ខុស​គ្នា​រវាង​ការ​សន្ទនា និង​ការ​ថ្លែង​សុន្ទរកថា។​នៅពេល​អ្នក​ថ្លែង​សុន្ទរកថា​ អ្នក​និយាយ​ឲ​គេ​ស្តាប់ ប៉ុន្តែ​នៅ​ពេល​អ្នកសន្ទនា​គ្នា គឺ​អ្នក​ផ្តូរ​គ្នា​និយាយ​និង​ស្តាប់​ម្តង​ម្នាក់។

ជំហានទី​៣ ចង់រក្សា​ការ​សន្ទនា​ឲបាន​យូរ​គឺ​ត្រូវ​រៀន​សួរ​សំ​ណួរ សំណួរមាន​ដូច​ជា នរណាគេ? ស្អីគេ? នៅទីណា? ហេតុអ្វី? នៅពេល​ណា? របៀប​ណា? ពិតមែនឬ? តើអ្នកចូលចិត្ត....?

ជំហានទី៤ កុំធ្វើជាមនុស្ស​អា​ថ្មា​និ​យម​ មាន​ន័យ​ថា​កុំនិយាយ​តែពី​ខ្លួនឯង ឬក៏​និយាយ​តែពីដៃគូរ​សន្ទនា​អ្នក។ ព្យាយាម​និយាយ ឲបាន​ច្រើន​ពី​រឿង​ផ្សេងៗ​គ្នា និយាយ​ពី​ខ្លួន​អ្នក​បន្តិច​និង​និយាយ​ពី​ដៃគូរ​របស់យើង​បន្តិច។ ធ្វើ​បែប​នេះ​វា​ធ្វើ់ឲយើង​មាន​ពេល​បញ្ចេញ​យោ​បល់​និង​មាន​ពេល​ស្តាប់។

ជំហានទី៥​ នៅ​ពេល​ដែល​អ្នក​គិតថា​អស់​រឿង​និយាយ ដែលទាក់ទងនឹង​ខ្លួនអ្នក អ្នក​អាច​ចាប់​ផ្តើម​និយាយ​ពី​អ្នក​ដ៏​ទៃ​ ដូចជា​អ្នកចំរៀង​ អ្នក​កីទ្បា ឬតារា​ណា​មួយ។

ជំហានទី៦ កុំចេះតែ​ចង់ដឹង​រឿង​ច្រើន​ពេក យល់ពីកំរិត​នៃ​ការ​និយាយ​និង​យល់ពី​សំណួរ​ដែល​ត្រូវ​សួរ​ ហើយ​សំណួរ​ដែល​មិន​ត្រូវ​សួរ។

 ជំហានទី៧​ កុំធ្វើពុត​ បើអ្នកមិនចូលចិត្ត​ឬ មិន​សូវ​ប្រសព្វនិយាយ​ពី​រឿង​តារា​ ចូរ​ប្រាប់​ដៃគូរ​សន្ទនា​របស់​​អ្នក​ត្រង់ៗ​។ អ្នកអាច​សុំ​ដៃគូរ​អ្នក​ត្រង់ៗ​ហើយ​ផ្តូរ​ប្រធានបទ​នៃការ​និយាយ។ វាធ្វើ​ឲអ្នកមាន​អារម្មណ៍​ល្អ​ក្នុង​ការ​សន្ទនា​គ្នា​ និង​ជួយឲដៃ​គូរ​អ្នក​យល់​ពីអ្នក​បន្តិចម្តងៗ។

វិធីសាស្រ្តឆ្លើយសំណួរ ស្រីៗ

សំណួររបស់ស្រ្តី

អា ប៉េង និង នាង ប៉ោះ គឺ​ជា​សង្សារនឹងគ្នា ហើយថ្ងៃនេះ​គេនាំគ្នាទៅពិធីជប់លៀងមួយ។​ នាងប៉ោះ​លើកស្បែកជើងពីរគូរ មួយ​ព័ណ​ខៀវ ​និង​មួយ​ទៀត​ព័ណ​មាស ទ្បើង​ហើយសួរ​សង្សារ​នាងថា ៖ បង​ប៉េង តើ​អូន​គួរ​ពាក់​ស្បែក​ជើង​មួយ​ណា?

អាប៉េង លឺ​សំណួរ​ភ្លាម​​មាន​អារម្មណ៍​ស្ទាក់ស្ទើរ ​មិន​ហ៊ាន​ឆ្លើយ​ វា​និយាយ​ថា៖ អឺ....អឺ.... អូនចូលចិត្តមួយណា?

នាងប៉ោះមិនអស់​ចិត្តក៏​សួរ​សង្សារនាង​ម្តង​ទៀត៖ ឆ្លើយមើលបង ​មួយណា​ ព័ណ​ខៀវ​ ​ឬ​មាស?

អាប៉េង ក៏សំរេចចិត្តឆ្លើយ៖​ ពាក់ព័ណមាស ទៅចឹង។

នាងប៉ោះ សួរ ៖ ចុះព័ណខៀវ ​យ៉ាង​ម៉េច​ដែរ? ​អូន​ទិញ​វា​ថ្លៃ​ជាង​​អា​ ព័ណ​មាស ​ទៀត ឬ​ក៏​បង​មិន​ស្រ​លាញ់​ស្បែក​ជើង​ព័ណ​​ខៀវ​​នេះទេ?

អាប៉េងនិយាយទាំងកំបុតថា ៖ បើអូនមិនចង់បានគំនិតរបស់បង​ទេ​កុំ​សួរ។

នាងប៉ោះ ក៏បោះ​ ​ស្បែក​ជើងចោលទាំង​ពីរគូរ ហើយនិយាយ​ទាំងកំរោល៖​ ឈប់ទៅ​ពិធី​ជប់លៀង​ជប់លួយហើយ។

រឿងនេះមិនមែនខាងស្រី ជាអ្នកខុសនោះ​ទេ។ វាកើតទ្បើងមកពី អាប៉េងមិនយល់ពី​ភាសារបស់មិត្តស្រីវា។ មនុស្សស្រីដឹងថា​ព័ណ​អ្វី​ដែលនាង​នឹងពាក់ហើយ។​នាងសួរគ្រាន់តែចង់ឲមនុស្សប្រុស​សរសើរថានាងមើលទៅស្អាតត។

តើអាប៉េងគួរធ្វើដូចម្តេច ដើម្បីកុំឲកើតមានទំនាស់?

វាគួរនិយាយឲស្របនឹងគំនិតរបស់នាងប៉ោះទៅ​វាជាការស្រេចហើយ។

អាប៉េងក្នុងស្ថានភាពនេះ គួរ​និយាយថា ៖តើអូនបានរើសព័ណណាមួយឬនៅ?

ក្នុងករណីនេះ មនុស្សស្រីភាគច្រើនប្រាកដជាប្រាប់ពីគំនិតរបស់នាង ៖ អូនគិតថា អូនគូរតែពាក់ព័ណមាស។

បុរស គួរឆ្លើយតបវិញថា៖ ហេតុអ្វី អូនរើសព័ណមាស?

នាងឆ្លើយភ្លាមថា ៖ ព្រោះវាសាកសមជាមួយ រ៉ូបព័ណមាសរបស់ខ្ញុំ។

បុរសគួរ​និយាយថា ៖ អូនពិតជាស្អាតណាស់។

ពេលនោះនាងនឹងមកថើបអ្នកជាមិនខានហើយនាងនឹងនិយាយថា ៖ បងគួរឲស្រលាញ់ណាស់។

បញ្ហាត្រូវបានដោះស្រាយ!

មានអារម្មណ៍ស្រ្តេសពេលរៀនត្រូវធ្វើដូចម្ដេច?

អារម្មណ៍​ធុញ​ថប់​មុន​ពេល​ប្រឡង

ការ​មាន​អារម្មណ៍​តាន​តឹង​នៅ​មុន​ពេល​ដែល​ថ្ងៃ​ប្រលង​ជិត​មកដល់​បានក្លាយ ​ជា​រឿង​ធម្ម​តា​បាត់​ទៅ​ហើយ​។ ប៉ុន្ដែ​អ្នក​ក៏​អាច​កាត់​បន្ថយ​នូវ​អារម្មណ៍​តាន​តឹង​ទាំង​នេះ​បាន​ ដោយ​គ្រាន់​តែ​អនុវត្ត​នូវ​វិធីសាស្រ្ដ​មួយ​ចំនួន​ដូច​ខាង​ក្រោម​៖​

១- ញ៉ាំ​អាហារ​ឲ្យ​បាន​ត្រឹម​ត្រូវ​

ការ​ញ៉ាំ​អាហារ​ដែល​ល្អចំពោះ​សុខ​ភាព​ នឹង​ធ្វើ​ឲ្យ​ប្រាកដ​ធា​ខួរ​ក្បាល​របស់​លោក​អ្នក​ បាន​ទទួល​នូវ​សារធាតុ​ចិញ្ចឹម​គ្រប់គ្រាន់​ និង​ថាម​ពាល​ក្នុ​ង​ការ​អាន​សៀវ​ភៅ​ យល់ និង​វិភាគ​នូវ​អ្វី​ដែល​បាន​អាន​។

ជៀស ​វាង​នូវ​អាហារ​រហ័ស (fast food) ព្រោះ​វា​អាច​ឲ្យ​លោក​អ្នកទទូល​បាន​សារធាតុ​ចិញ្ចឹម​តិច និង​ធ្វើ​ឲ្យ​លោក​អ្នក​មានអារម្មណ៍​ថា​ឆ្អែត ខ្ជិល និង​ងងុយ​គេង​ នៅ​ពេល​ដែល​លោក​អ្នក​អាន​សៀវ​ភៅ​។​

២- ហាត់​ប្រាណ​ឲ្យ​បាន​ទៀត​ទាត់​

ការ​ហាត់​ប្រាណ​ទៀង​ទាត់​ នឹង​ធ្វើ​ឲ្យ​

លោក​អ្នក​សកម្ម​ មាំ​មួន និង​មាន​ថាម​ពល​គ្រប់​គ្រាន់​ដើម្បី​ប្រឈម​មុខ​ជា​មួយ​នឹង​ការ​សិក្សា​លើស​ ម៉ោង​ មុ​ន​ពេល​ថ្ងៃ​ប្រឡង​មក​ដល់​។ ការ​ហាត់​ប្រាណ​តាម​បែប​សមាធិ ក៏​អាច​ជួយ​ឲ្យ​លោក​អ្នក​កាត់​បន្ថយ​អារម្មណ៍​តាន​តឹង​បាន​ផង​ដែរ​។

៣- កាត់​បន្ថយ​កាហ្វេ

​ តើ​អ្នក​ចូល​ចិត្ត​ញ៉ាំ​កាហ្វេ​ដែរ​ឬ​ទេ​? ជា​ការ​ពិត​កាហ្វេអាច​ជួយ​ឲ្យ​យើង​កាត់​បន្ថយ​ភាព​ងងុយ​គេង នឹង​ធ្វើ​ឲ្យ​ខួរ​ក្បាល​របស់​យើង​សកម្ម ប៉ុន្ដែ​តែ​ក្នុង​រយៈ​ពេល​ខ្លី​ប៉ុណ្ណោះ​។ សារធាតុ​កាហ្វេអ៊ីន ដែលមាន​នៅ​ក្នុង​កាហ្វេនឹង​ធ្វើ​ឲ្យ​លោក​អ្នក​មាន​អារម្មណ៍​ថា​ឈឺ​ក្បាល​ កំឡុង​ពេល​ដែល​អ្នក​គិត​ខ្លាំង ដូច​ជា​ពេល​កំពុង​ប្រឡង​ជា​ដើម​។​

៤- ជៀស​វាង​ការ​អត់ងងុយ​ខ្លាំង​

ការ ​រៀន​ច្រើន​គឺ​ពិ​ត​ជា​ល្អ ប៉ុន្ដែ​ចូរ​កុំ​ព្យាយាម​រៀន​រហូត​ដល់​ភ្លេច​គេង​ឲ្យ​​សោះ ព្រោះ​វា​អាច​ធ្វើ​ឲ្យ​លោក​អ្នក​មានភ្លេច​ភ្លាំ​ងច្រើន​នៅ​ក្នុង​បន្ទប់​ ប្រឡង​។ ការ​គេង​ឲ្យ​បានគ្រប់​គ្រាន់​ គឺ​សំខាន់​ណាស់​ក្នុង​ការ​ទប់​ស្កាត់​អារម្មណ៍​ស្រ្ដេស​ និង​តាន​តឹង​កំឡុង​ពេល​ប្រឡង​។

៥- រៀប​ចំ​កាល​វិភាគ​រៀន​ជាក្រុម​

ការ​រៀន​ជាក្រុម​ជាមួយ​នឹង​មិត្ត​ភក្ដិ​របស់​អ្នក​គឺ​ជា​ពិត​ជា​ល្អ​ណាស់​សម្រាប់​ជីវិត​ជា​សិស្ស​ និស្សិត​។ អ្នក​អាច​ប្រមូល​ផ្ដុំគ្នា​ជា​ក្រុម​ឲ្យ​បាន​យ៉ាង​ហោច​ណាស់​ម្ដង​ក្នុង​មួយ​សប្ដាហ៍​ ដើម្បី​ឲ្យ​លោក​អ្នក​មិន​មាន​អារម្មណ៍​ថា​ឯកោ​ពេល​កំពុង​រៀ​ន​ត្រៀម​ប្រឡង​នេះ​។

ពេល​ខ្លះ​ការ​រៀន​ជា​ក្រុម​អាច​ក្លាយ​ទៅ​ជា​ការ​និយាយ​ដើម​គេ​ជាក្រុម​ទៅ​វិញ ដូច្នេះ​អ្នក​ត្រូវ​ប្រាកដ​ថា​មិត្ត​ភក្ដិ​របស់​អ្នក​នាំ​អ្នក​ឲ្យ​និយាយ​ក្រៅ​សាច់រឿង​ (អាច​និយាយ​បានខ្លះ​ដើម្បី​កាត់​បន្ថយ​ស្រេ្ដស​)។

ប្រសិនបើផែនដីគ្មានព្រះច័ន្ទ

នេះជាអត្ថបទ ជួយឲយើងរៀន​ប្រើគំនិត គិតវិភាគ​លើ​បញ្ហាអ្វីមួយ។ ក្នុងការ​រស់នៅសព្វ​ថ្ងៃយើង​ត្រូ​វរៀនវិភាគ ពីអ្វីៗជុំវិញខ្លួនយើង។ យើង​ត្រូវចេះ​ឆ្ងល់​ ហើយ​ត្រូវ​​ចេះ​​រកវិធី​ក្នុង​ការឆ្លើយ។​យើង​ពេលខ្លះគួរ​សួរខ្លួន​ឯងថា ហេតុអ្វីក៏ មានទ្បាន ឬក៏​តើនាទ្បិកា គេ​បង្កើត​ដោយ​វិធីណា?សួរបែបនេះវាបង្កើតគំនិត ឲយើងចេះឆ្លើយ ហើយវាធ្វើឲខួរក្បាលយើង ធ្វើការ។ កាលណាយើងគិតច្រើនយើងចេះច្រើន ដូច​កាំបិត​ដែល​ប្រើ​ច្រើន​វាមុត​ជាង​កាំបិត​ដែលមិន​ដែលប្រើអីចឹង។ កុំថារៀន​ច្រើនធ្វើ​ឲឆ្កួត វាមិនពិតទេ។ ប្រសិន​បើដូច​ពាក្យ​គេថាមែន អ្នកប្រាជ្ញ លើពិភពលោកនេះឆ្កួតទាំងអស់ហើយ។

 

យើងមករៀនវិភាគទាំងអស់គ្នា លើបញ្ហាមួយដែលលើកទ្បើងថា មានអ្វីកើតទ្បើងប្រសិនបើ​ផែនដីគ្មាន​ព្រះច័ន្ទ។

គំនិតទី​ ១៖ 

គ្មានព្រះច័ន្ទ មានន័យថាគ្មានទំនាញ ពីព្រះច័ន្ទ ដូចនេះ ផែនដីលែងមានទឹកជោរ និង នាច ខ្លាំងដូចមុនទៀតទ្បើយ។ គ្មានព្រះច័ន្ទ មិនមែនមានន័យថា ផែនដី​គ្មាន​ទំនាញ​នោះទេ​។ ផែនដី​អាចទទួលទំទាញពី ព្រះអាទិត្រ ប៉ុនែ្តវាមានកំលាំងទាញខ្សោយ ព្រោះថាព្រះអាទិត្រនៅ​ឆ្ងាយ ដូចនេះ ទឹកជោរនិងទឹកនាច ដែលកើតទ្បើងពីទំនាញព្រះអាទិត្រ​ក៏ខ្សោយដែរ។​

គំនិតទី ២៖

 គ្មានព្រះច័ន្ទ បានន័យថា ផែនដី​បាត់ខែលការពារដ៏ធំមួយ។ អាចម៍ផ្កាយ អាចហោះបុកផែនដីច្រើនជាងមុន។

គំនិតទី​៣៖

គ្នានទំនៀមទំលាប់ សែនព្រះខែទេ។

គំនិតទី ៤៖

គ្មានមនុស្សទ្បើងឋានព្រះច័ន្ទទេ។

គំនិតទី ៥៖

គ្មានច័ន្ទគ្រាស និងសូរគ្រាសទ្បើយ។

មានអ្វីកើតទ្បើងបន្តទៀត គឺទុកឲអ្នកអាន ពិភាក្សាគ្នាចុះ។ 

ហេតុផល ៥យ៉ាង ដែលពិភពលោក នឹងត្រូវបំផ្លាញនៅ ឆ្នាំ ២០១២

The End is near

នៅក្នុងឆ្នាំ ២០១២ ​​មានមតិ​ជាច្រើន​ដែលថា ​ពិភព​លោក ​នឹងត្រូវបំផ្លាញ​។ គ្មាន​​អ្នក​ណា​​​ដឹង​​ឲ​​ប្រាកដ​ថា​​ នឹង​​មាន​​​អ្វី​​កើត​​​​ទ្បើង​​​នោះ​​ទេ​​ ប៉ុន្តែ​​មុន​​នឹង​​ពេល​​នោះ​មកដល់​យើង​​ម្នាក់ៗ​ គួរ​យល់​ ដឹង​ពី​អ្វី​ដែល​​ពិភព​លោក​​​កំពុង​ ពិភាក្សា​គ្នា។​

បើតាម​ការ​ និយាយ​​ពីមាត់​មួយ​ ទៅ​មាត់​មួយ យើង​ឃើញ​​ថា​មាន ហេតុ​ផល ៥ ​យ៉ាង​​ដែល បណ្តាល​ឲ​មាន​​​ទី​​បញ្ចប់​​​​នៃ​​​ពិភព​លោក។

ហេតុផលទី១(ប្រតិទិន្ន Mayan)

ដោយ​​​ផ្អែក​​ទៅលើ ​ប្រតិទិន្ន របស់ ពួក Mayans​​​​​​​ ទីបញ្ចប់​​នៃ​ពិភពលោក ​គឺ​​នឹង​​មក​ដល់​​​ នៅថ្ងៃទី​២១​ ខែ ធ្នួ​ ឆ្នាំ ២០១២ ។​ គេថា​ពិភពលោក​ នឹងត្រូវបំផ្លាញ​​ ព្រោះថា​ ប្រតិទិន្ន​​របស់​ពួកគេរាប់លែង​​កើត។ ពិត​​ឬមិន​ពិត​ យើងចាំ មើលទាំងអស់គ្នា នៅ​ពេលនោះ​មក​​ដល់។

ហេតុផលទី២ (ព្យុះព្រះអាទិត្រ)

អ្នកវិទ្យាសាស្រ្តមួយចំនួន បានសិក្សាពីព្រះអាទិត្រ និងព្យុះរបស់វា។ ពួកគេមានការ​ភ្ញាក់​ផ្អើលយ៉ាងខ្លាំង នៅពេល​ដែលបានរកឃើញថា កំដៅនៅលើព្រះអាទិត្រនឹងកើនដល់កំ​រិតកំពូល​ ហើយ​វា​នឹង​បញ្ចេញ​ ព្យុះ​ដ៏​កាច​សាហាវ មួយ​ដែលអាចបញ្ចប់​ជីវិត​​ទាំងអស់​​នៅ​លើផែនដី​យើង​បាន​។​​ អ្នក​វិទ្យាសាស្រ្ត​ដ៏​ដែល​បាន​និយាយថា​ វា​នឹង​​កើត​​ទ្បើង​​ក្នុងអំទ្បុង​ពេលណាមួយ​​ក្នុង​ឆ្នាំ ២០១២​ ខាងមុខ។

ហេតុ​ផលទី ៣ (ការបង្កើត Atom Smasher) 

អ្នក​​វិទ្យា​សាស្រ្ត​​នៅ​តំបន់​ អឺរ៉ុប បាន​កំពុង​បង្កើត ​ម៉ាស៊ីន បង្កើនល្បឿន Atom ដ៏​​ធំ​​ជាង​​​គេនៅ​​​លើ​​​​ពិភព​លោក។

ម៉ាស៊ីន​​នេះ​​​នឹង​​​​ដំណើរ​ការ​​​នៅ​​​ក្នុង​ឆ្នាំ ​២០១២ ហើយ​​មាន​​​អ្នក​​វិទ្យាសាស្រ្ត​​មួយ​​​​ចំនួន​ទៀត​​បាន​​ ឲ​ដឹងថា​​​នៅ​ពេល​ដែលម៉ាស៊ីន នេះ​ដំណើរការ ​វាអាច​ធ្វើឲ​​ពិភពលោក​​យើងរួមតូច​ប៉ុន​នឹង​​បាល់​បោះ មួយ។

ហេតុផលទី​ ៤ (បន្ទុះភ្នំភ្លើង)

ឧទ្យានជាតិ ​Yellowstone នៅ​សហរដ្ធ​អាមេរិក គឺជា​តំបន់ដែល​អាច ធ្វើ​ឲមានបន្ទុះ​ភ្នំភ្លើងដ៏​ធំ​មហិមា​នេះ​។ ដូច​នៅក្នុង​រឿង Hollywood ២០១២ យើង​ក៏​​បានឃើញពី ការរីងស្ងួត នៃ ឧទ្យាន​ជាតិ Yellowstone ដែលពីមុន​ធ្លាប់​​ជាបឹង​លំហែកាយមួយ។

ហេតុផលទី ៥ (ការផ្លាស់ប្តូរ នៃ ដែនម៉ាញេទិចនៃតំបន់ប៉ូល)

យើងដឹងថា សារៈសំខាន់នៃដែនម៉ាញេទិច គឺ ការពារជីវិតមនុស្ស ពីកាំរស្មី UV។ អ្វីដែលយើងមិនដឹងនោះគឺ ប៉ូលទាំងពីរ វាប្តូរកន្លែងគ្នា ក្នុងអំទ្បុងពេល ៧៥០​០០០ឆ្នាំម្តង។ អ្នកវិទ្យាសាស្របាន​សង្កេតឃើញថា ប៉ូលទាំងពីរ វារំកិល ប្រហែលជា ២០​ ទៅ ៣០ km ក្នុងរយៈពេល១ឆ្នាំៗ​។​ ការ​រំកិល​នៃ​តំបន់​ប៉ូល​អាច​ធ្វើឲ​ដែន​ម៉ាញេ​ទិច​ តំណើរ​ការ​មិន​ប្រក្រតី​ ឬ​ក៏អាច​បាត់​ពីផែន​ដីយើង​។ នៅពេល​នោះ ​កាំរស្មី​ UV អាច ចូល​មក​ដល់​ផ្ទៃផែន​ដី​យើង​ សម្លាប់​ រាល់សភាវមានជីវិតទាំងអស់។

​

ពីនេះពីនោះ អំពី ទឹកនៅលើផែនដី

ទឹក

ផែនដីយើងគ្របដណ្តប់​ដោយ​ទឹក ​ប្រមាណ​ជាង ៧១% ហើយ​ក្នុងនោះ​មានទឹក ជាង ៩៧%ជាទឹកប្រៃ។ មាន​​ទឹក​តែ៣% ប៉ុន្មោះ ដែលគែអាចយក​មប្រើ​ប្រាស់​បាន។​ ហើយ​​ក្នុង​​ទឹក​សាប ​៣%នោះ ​ទឹក ៧០%​ត្រូវបានកប់នៅក្នុងផ្ទាំង​​ទឹកកក​​។ វាមាន​​មិនដល់១%ផងនៃទឹកសាប ៣%​នេះ​​ដែល​គេអាចយកមកប្រើ​​ប្រាស់​​​បាន។​

តាម​​​ការ​​សិក្សា​​បានឲដឹងថា​​មានមនុស្ស ​ចំនួន ៨៨៤​ ​លាន​នាក់ខ្វះ​ទឹកសាប​សំរាប់ប្រើ​ប្រាស់​ ​គឺ​ស្មើរ​នឹង ​មនុស្សម្នាក់ ក្នុងចំនោមមនុស្ស ៨នាក់

នៅលើពិភពលោកយើងនេះខ្វះទឹកស្អាត​ប្រើប្រាស់​។ យើងបាន​ដឹង​ទៀត​ថា​មាន​​ មនុស្ស ៣.៥៧៥ លាននាក់ស្លាប់​ដោយ​សារកង្វះខាតទឹកស្អាត។ ហើយនៅក្នុង ២០ វិនាទីម្តង មានក្មេងម្នាក់ស្លាប់ដោយសារ ជំងឺដែល ទាក់ទងនិង បញ្ហាទឹក។

ហើយប្រហែលជា ៨០%នៃទឹកស្អុយក្នុងប្រទេសកំពុងអភិវឌ្ឍន៍ បានបង្ហូរចូលក្នុង ទឹកទន្លេ ដោយគ្មានការត្រួតពិនិត្រត្រឹមត្រូវនោះទេ។

ដោយសារទឹកជាសារធាតុសំខាន់សំរាប់ ទ្រទ្រង់រាង្គកាយមនុស្ស យើងជាបុគ្គលម្នាក់ ត្រូវាមានទំនួល​ខុសត្រូវ​ខ្ពស់ក្នុងការប្រើប្រាស់ទឹក​។

យល់ដឹងពី​ អ្វីៗជុំវិញអ្នក

Milky way

តើ​ផ្ទះ​របស់​អ្នក​នៅ​ឯ​ណា​​ ​ហើយ​មាន​អ្វី​ខ្លះ​នៅ​ទីនោះ​?

មនុស្ស​ភាគ​ច្រើន​ប្រា​កដ​ជា​ឆ្លើយ​ថា​ ផ្ទះ​ខ្ញុំ​នៅ​ភ្នំពេញ​។​ ភ្នំ​ពេញ​មា​ន​ សាលារៀន​ មន្ទីរពេទ្យ​ អាគារខ្ពស់​ៗ​ ​និង​មាន​របស់​ជា​ច្រើន​ទៀត​រាប់មិនអស់ទេ។

ប៉ុន្តែ​បង​សង្ហា​វិញ​គាត់​ជា​មនុស្ស​ចេះ​ដឹង​ជ្រៅ​ជ្រះ​គាត់​មិន​ឆ្លើយ​ដូច​នេះ​ទេ។បើ​អ្នក​សួរ​បង​សង្ហា​ថា ​តើផ្ទះ​របស់​បង​សង្ហា​ នៅ​ឯ​ណា​ហើយ​មាន​អ្វីខ្លះ​នៅ​ទីនោះ​?

គាត់​ប្រា​កដ​ជា​ឆ្លើយ​ថា ​ផ្ទះ​របស់​ខ្ញុំ​គឺ​នៅ​លើ ​ភពផែនដី​ ។

ផែនដី មានផ្កាយមួយ​ឈ្មោះថា ផ្កាយព្រះអាទិត្រ​សំរាប់បំភ្លឹ។​

ភពផែន​ដី​ និង ព្រះអាទិត្រគឺ នៅ​ក្នុង​​ ប្រព័ន្ធព្រះអាទិត្រ​ (Solar system)ជាមួយគ្នា

ហើយប្រព័ន្ធព្រះអាទិត្រ គឺជាចំនុចដ៏តូចមួយ នៅក្នុង កញ្ចុំផ្កាយ(galaxy)ដែលមានឈ្មោះថា Milky way។

ហើយបើតាមការសិក្សាកន្លងមក អ្នកស្រាវជ្រាវ ប៉ាន់ប្រមាណថាមានប្រហែល ១០០ ពាន់លាន កញ្ចុំផ្កាយ​ នៅក្នុង​​​​ចក្រវាទ្បរបស់យើង(Universe) ។

ឥទ្បូវយើងសិក្សាសំដីរបស់ បងសង្ហាជាមួយគ្នា៖

អ្វីទៅហៅថាផ្កាយ?

ផ្កាយគឺជាដុំបាល់ដែលឆេះសន្ធោរសន្ធៅ នៅក្នុងលំហអាកាស។ ព្រះអាទិត្រដែល​ យើងឃើញសព្វថ្ងៃ គឺជាផ្កាយដ៏តូចមួយ​ បើបៀបធៀបជាមួយផ្កាយដ៏ទៃទៀត។ ហើយផ្កាយតូចៗដែលយើង ឃើញនៅពេលយប់ ដែលបញ្ចេញពន្លឺ តិចៗ នោះ តាមពិតទៅវាមានទំហំ ធំជាង ព្រះអាទិត្ររាប់សិបដង។ផ្កាយដែលធំជាងគេដែល អ្នកវិទ្យាសាស្រ្តបានរកឃើញកន្លងមក គឺ ផ្កាយ ដែល​មានឈ្មោះថា Arcturus។សូមប្រៀបធៀប ភពនិងផ្កាយទាំងទ្បាយ ជាមួយនឹងរូបភាពខាងក្រោម៖

Earth and smaller planets

Earth and bigger planets

Arcturus

អ្វីទៅហៅថាប្រព័ន្ធព្រះអាទិត្រ?

ប្រព័ន្ធព្រះអាទិត្រ គឺមានព្រះអាទិត្រនិងភពទាំង ៩។ សូមមើលរូបភាពខាងលើ។

អ្វីទៅហៅថា កញ្ចុំផ្កាយ(galaxy)?

កញ្ចុំផ្កាយគឺជា បន្តំ នៃប្រព័ន្ធព្រះអាទិត្រ។ ប្រព័ន្ធព្រះអាទិត្ររាប់ពាន់លាន ទើបបង្កើតបាន កញ្ចុំផ្កាយមួយបាន។

ហើយកញ្ចុំផ្កាយ  ដែលយើងកំពុងរស់នៅសព្វថ្ងៃគឺមាន​ ឈ្មោះថា Milky way។ 

ចុះហើយអ្វីទៅហៅថា ចក្រវាទ្ប(Universe)?

បើតាមការរុករករបស់អ្នកវិទ្យាសាស្រ្តតាំងពីមុន រហូតដល់បច្ចុប្បន្ន នេះ ចក្រវាទ្ប ផ្សំទ្បើងដោយ ១០០ពាន់លាន កញ្ចុំផ្កាយ បូក លំហ។

ឥទ្បូវយើងមកវិភាគទាំងអស់គ្នា ថាតើចក្រវាទ្បរបស់យើងមាន វិសាលភាពប៉ុនណា៖

ចក្រវាទ្ប=១០០ ​០០០ ០០០​ ០០០កញ្ចុំផ្កាយ= ១០០​ ០០០ ០០០ ០០០គុណនិង ១០0០​​ 000 ០០០​ ០០០ ព្រះអាទិត្រ

ដូចនេះ ចក្រវាទ្ប=១០០ 000 000 000 000 000 000 000 ផ្កាយ។ ឧទាហរណ៍ ឲស្រួលស្តាប់ ដោយយកផ្កាយទាំងអស់ប៉ុន ព្រះអាទិត្រ

យើងឃើញថា ចក្រវាទ្ប មានទំហំស្មើនឹង យើងយកព្រះអាទិត្រដែលយើងឃើញសព្ចថ្ងៃ​ ដាក់ដំរាបគ្នា ១០០ 000 000 000 000 000 000 000 ដង។ នេះយើងមិនទាន់គិតដល់ លំហ រវាងផ្កាយនីមួយៗផង។ 

បើប្រៀបធៀប ចក្រវា ទាំងមូល ជាមួយនិង ខ្លួនអ្នកផ្ទាល់ គឺអ្នកនឹងឃើញថា ខ្លួនឯងមានទំហំតូចជាងគ្រាប់ខ្សាច់មួយគ្រាប់ រាប់ពាន់លានដង។

ឥទ្បូវអ្នកដឹង បន្តិចបន្តួចពី អ្វី នៅជុំវិញអ្នក។ បើលោកអ្នកមានចំងល់ផ្សេងទៀតទាក់ទងនិង វត្ថុជុំវិញខ្លួន​​អ្នក​អាច​សួរ​ខ្ញុំបាន​តាម​ការ​សរសេរ​​ជា comment។

អ្នក​មាន​លុយ​ច្រើន​ ​ធ្វើ​អ្វីខ្លះ​តាម​អ៊ីន​ធើ​ណិត​?​

ប្រាក់​ដុល្លារ​ជា​អាវុធ​របស់​អ្នក​មាន​

តើ​អ្នក​មាន​ទ្រព្យ​សម្បតិ្ត​ច្រើន ​ធ្វើ​អ្វី​ខ្លះ​តាម​ប្រព័ន្ធ​អ៊ីនធើ​ណិត​? នេះ​គឺ​ជា​សំណួរ​មួយ​ដែល​ត្រូវ​បាន​ក្រុម​អ្នក​ស្រាវ​ជ្រាវ​មួយ​ក្រុម​ទើប​តែ​រក​ចម្លើយ​ឃើញ​។ ចម្លើយ​​គឺ​អ្នក​មាន​ភាគ​ច្រើន​ ចូល​អ៊ីន​ធើណិត​ដើម្បី​តែរឿង​បី​សំខាន់​ជាង​គេ​គឺ ​កក់​ភោជនីយ៍​ដ្ឋាន​ អាន​ព័ត៌មាន និ​ងស្វែង​រក​សេវា​សិច​។​

យោង​តាម​ Wall Street Journal បាន​បង្ហាញ​ឲ្យ​ដឹង​ពី​​របាយ​ការណ៍​នៃ​ការ​ស្រាវ​ជ្រាវ​ថ្មី​មួយដែល​ធ្វើ​ឡើងដោយ​ក្រុមហ៊ុន​ស្រា​វ​ជ្រាវ​ Affluence Collaborative ដែល​បាន​រក​ឲ្យ​ឃើញ​ពី​ទំលាប់​ខុស​គ្នា​ក្នុង​ការ​ប្រើ​ប្រាស់​អ៊ីនធើណិត​រវាង​អ្នក​មាន​ និងអ្នក​មាន​ជីវភាព​ធម្ម​តា​។​

ក្រុម​អ្នកមាន​ទ្រព្យ​សម្បត្តិ​ស្ដុក​ស្ដម្ភ​បាន​ចំណាយ​លុយ​អស់​លើស​ពី​ ៥០​ម៉ឺន​ដុល្លារ​អាមេរិក​ក្នុង​មួយ​ឆ្នាំ​ដើម្បី​ភ្ជាប់​សេវា​អ៊ីន​ធើណិត​។ ក្នុង​ចំណោម​អ្នក​មាន​ទាំងនោះ​ចំនួន ៦១​ភា​គ​រយ​បាន​ប្រើ​ប្រាស់​បណ្ដាញ​អ៊ីន​ធើ​ណិត​ដើម្បី​

កក់​ភោជនីយ៍​ដ្ឋាន​ ឬ​ក៏​ឆែក​រក​ទីតាំង​ភោ​ជនីយ៍​ដ្ឋា​ន​ ខណៈ​ពេលដែល​ប្រជា​ជន​ទូទៅ​ក្រៅ​ពី​ក្រុម​អ្នក​មាន​ទាំងអស់​នេះ​ មាន​តែ​១៣​ភា​គ​រយ​តែ​ប៉ុណ្ណោះ​ដែល​ធ្វើ​បែប​នេះ (កក់​ភោជនីយ៍​ដ្ឋាន​)។​

ក្រៅ​ពី​ចំណាយ​ពេល​អន​ឡាញ​ដើម្បី​កក់​ភោជនីយ៍​ដ្ឋាន ក្រុម​អ្នក​មាន​ទាំង​នោះ​ចំនួន ៧០​ភាគ​រយ​ បាន​ប្រើ​ប្រាស់​អ៊ីន​ធើ​ណិត​ដើម្បី​អាន​ព័ត៌មាន​ ខណៈ​ដែល​ប្រជា​ជន​ជីវភាពមធ្យម​ទូ​ទៅ​មាន​តែ​៤៤ភាគ​រយ​ប៉ុណ្ណោះ​ដែលអាន​ព័ត៌មាន​តាម​អ៊ីន​ធើណិត​។​

ចំណែក​ឯ​សកម្ម​ភាពសកម្ម​ក្នុង​អ៊ិន​ធើណិត​ចុង​ក្រោយ​របស់​អ្នកមាន​ គឺ​ឆែក​រក​មើល​សិច​អន​ឡាញ​។ ក្រុ​ម​អ្នក​មាន​ចំនួន ៣៨​ភាគ​រយ​បាន​ចំណាយ​ពេល​ចូល​ទៅ​កាន់​វែប​សាយ​អាស​អាភាស បើ​ប្រៀប​ធៀប​មក​ជាមួយ​ប្រជា​ជន​ដទៃ​ មាន​តែ​២៣​ភាគ​រយ​ប៉ុណ្ណោះ​។

Wall Street Journal ក៏​បាន​កត់​ចំណាំ​ដែរ​ថា អ្នក​មាន​ទ្រព្យ​សម្បត្តិ​ស្តុក​ស្ដម្ភ​មិន​សូវ​ចំណាយ​ពេល​លើ​ការ​ឆែក​អ៊ីនធើណិត​ដើម្បី​កំសាន្ត​អារម្មណ៍​អត់​ប្រយោជន៍​នោះ​ទេ​។

ក្រៅ​ពី​នេះ​ ក្រុម​អ្នកមាន​ក៏មាន​ទំលាប់មួយ​ដូច​ប្រជា​ជន​សាមញ្ញ​ធម្មតា​ដែរ នោះ​គឺ​សេវា​ធនាគារ​អនឡាញ​។ ក្រុម​អ្នក​មាន​ចំនួន​ ៨៦​ភា​គរយ​បាន​ប្រើ​ប្រាស់​សេវាធនាគារ​តា​ម​អ៊ីន​ធើណិត ដែល​ចំនួន​នេះ​ប្រហាក់​ប្រហែល​នឹង​ប្រជា​ជន​ដទៃ​ទៀត​ដែរ​។

ការ​ស្រាវ​ជ្រាវ​កាល​ពី​ពេល​ថ្មី​ៗនេះ​មួយ​ផ្សេង​ទៀត ក៏​បាន​បង្ហាញ​ដែរ​ថា​ អ្នក​មាន​បាន​ចំណា​យ​ពេល​នៅ​អ៊ីន​ធើ​ណិត​ច្រើន​ពេក ដែល​ពេ​ល​​ខ្លះ​បាន​ធ្វើ​ឲ្យ​អ្នក​មាន​ទាំង​នោះ​កើត​ជំងឺ​ស្រ្ដេស។

៥ ចំនុច​បញ្ជាក់ថា​នាង​ចូល​ចិត្ត​អ្នក

សញ្ញា​នេះ​ប្រាប់​ថា​នាង​ពេញ​ចិត្ត​អ្នក​ហើយ

ការ​យល់​ពី​ភាសា​កាយ​វិការ​របស់​មនុស្ស​ស្រី អាច​ធ្វើ​ឲ្យ​អ្នក​ដឹង​បាន​ថា​ នាង​ចូល​ចិត្ត​ ឬ​មិន​ចូល​ចិត្ត​អ្នក​បាន ប៉ុន្ដែ​ការ​ព្យាយាម​យល់​ពី​កាយ​វិការ​ដែល​នាង​បញ្ចេញ​មក​ក្រៅ​នោះ ពិត​ជា​មិន​ងាយ​ស្រួល​នោះ​ទេ​។ ខាង​ក្រោម​នេះគឺ​ជា​កាយ​វិការ​ទាំង​៥ ដែល​បញ្ជាក់​ថា​ នាង​ពេញ​ចិត្ត​អ្នក​៖

កាយ​វិការ​ទី​១៖ មេអំបៅ

ប្រិយ​មិត្ត​ប្រហែល​ជាឆ្ងល់​ហើយ​ថា កាយ​វិការ​មេអំបៅ​ជា​កាយ​វិកា​រ​ដូច​ម្ដេច​? កាយ​វិការ​នេះ​ គឺ​ជា​កាយ​វិការ​ដែល​នាង​ធ្វើ​ឡើង​ក្រោយ​ពី​អ្នក​បាន​បាញ់​ខ្សែ​នេត្រា​ ទៅ​រក​នាង​នៅ​ក្នុង​ហ្វូង​មនុស្ស​ដទៃ​ទៀត​។ នៅ​ពេល​ដែល​អ្នក​ចោល​ក្រសែរ​ភ្នែក​ទៅ​រក​នាង​នោះ កុំ​ភ្លេច​ចាំ​មើល​កាយ​វិការ​ដែល​នាង​ធ្វើ​តប​មក​អ្នក​វិញ​ ថា​តើ​នាង​ចាប់​អារម្មណ៍​អ្នក​ឬ​ក៏​អត់​។ កាយ​វិការ​មេអំបៅ​មាន​ដូច​ជា

​ ការច្បូត​សក់​ខ្លួន​ឯង​លេង ការ​លេង​បំពង់​បឺត​ភេសជ្ជៈ​ដែល​នៅ​ជាប់​ដៃ​នាង​ និង​ការ​តម្រែ​តម្រង់​សម្លៀក​បំពាក់​ជា​ដើម​។ ប្រសិន​បើ​អ្នក​ទទួល​បាន​សញ្ញា​បែបនេះពីនាង មាន​ន័យ​ថា នាង​ចាប់​អារម្មណ៍នឹង​អ្នក​ហើយ​។

កាយ​វិការ​ទី​២៖ ប្រអប់​ដៃ​

កាយ​វិការ​នេះ គឺ​ការ​សម្ងែង​ឲ្យ​ឃើញ​នូវ​កដៃ​ និង​បាត​ដៃ​ ដែល​សញ្ញា​នេះ គឺ​ជា​ការ​បញ្ជាក់​ប្រាប់​ពី​ការ​បើ​ក​ទូលាយ​ផ្លូវ​ចិត្ត​ និង​ការ​បង្ហាញ​ភាព​ស្មោះ​សរ​ដល់​មនុស្ស​ដែល​នាង​ចាប់​អារម្មណ៍​។ កាយ​វិការ​បែប​នេះ គឺ​ដូច​ទៅ​នឹង​ប្រ​យោគ​មួយ​ឃ្លា​ថា “បើ​បង​ពេញ​ចិត្ត​អូន ឆាប់​អញ្ជើញ​ចូល​មក​” ឬក៏​ដូច​ទៅ​នឹង​ការ​យក​ជើង​របស់​នាង​ដែល​កំពុង​អង្គុយ​គង​ជើង​ មក​ចង្អុល​អ្នក​ផង​ដែរ​។​

កាយ​វិការ​ទី​៣៖ ផ្អៀង​ផ្អង​ដង​ខ្លួន

កាយ​វិការ​នេះ គឺ​ការ​ផ្អៀង​ផ្អង​ដង​ខ្លួន​ដ៏ល្វត​ល្វន់​របស់​នាង​នៅ​ចំពោះ​មុខ​អ្នក​។ រាងកាយ​ផ្នែក​ខាង​លើ​របស់​នាង​ នឹង​បង្ហាញ​នៅ​ចំពោះ​ខ្សែ​ចក្ខុ​របស់​អ្នក​ ប្រសិន​បើ​នាង​ចាប់​អារម្មណ៍​នឹង​អ្នក​មែន​នោះ​។

កាយ​វិការ​ទី​៤៖ ឆ្មា​ Cheshire

ប្រិយ​មិត្ត​ដែល​ចូល​ចិត្ត​ភាព​យន្តតុក្កតា​ ប្រហែលជា​ស្គាល់​តួ​អង្គ​ឆ្មា Cheshire ហើយ​មែន​ទេ? ឆ្មា​នេះ គឺ​ជា​ឆ្មា​ដែល​ចូលចិត្ត​ញញឹម​បែប​កំប្លុក​កំប្លែ​ង​។ ចំណែក​ឯ​កាយ​វិការ​នេះ​វិញ គឺ​មិន​ខុស​ពី​ឆ្មា​នេះ​ទេ គឺ​​ប្រសិន​បើ​​នាង​ញញឹម​មក​រក​អ្នក​ នៅ​ពេល​ដែល​អ្នក​បាញ់​ខ្សែ​ភ្នែក​ទៅ​រក​នាង​នោះ សូម​កុំ​ឱ​កាស​នេះ​កន្លង​ហួស​ឲ្យ​សោះ ចាប់​ផ្ដើម​និយាយ​ផ្តោះ​ផ្ដង​ស្នេហា​ជា​មួយ​នាង​តែ​ម្ដង​ទៅ ។

កាយ​វិការ​ចុង​ក្រោយ​៖ ប៉ះ​ពាល់​អ្នក​

ប្រសិន​បើ​នាង​ យក​ដៃ​ដ៏​ទន់​ល្មើយ​របស់នាង​មក​ប៉ះពាល់​ផ្នែក​នៃ​រាង​កាយ​ណា​មួយ​របស់​អ្នក​កំឡុង​ពេល​ដែល​នាង​កំពុង​សន្ទនា​ជាមួយ​អ្នក​ ឧទាហរណ៏​ដូច​ជា​ យក​ដៃ​របស់​នាង​មក​ប៉ះ​ដៃ​របស់​អ្នក​ជា​ដើម​ នោះ​សរ​បញ្ជាក់​ឲ្យ​ឃើញ​ថា​ អ្នក​កំពុង​ស្ថិត​ក្នុង​ចំណាប់​អារម្មណ៍​របស់​នាង​ហើយ​។

សរុប​មក​ មាន​កាយ​វិការ​ច្រើន​ និង​ផ្សេងៗ​គ្នា​ ដែល​បញ្ជាក់​ថា​ នាង​ពេញ​ចិត្ត​នឹង​អ្នក​ ប៉ុន្ដែ​ការ​កត់​សម្គាល់​បន្ថែម​ដោយ​ខ្លួន​អ្នក​ នឹង​អាច​ធ្វើ​ឲ្យ​លោក​អ្នក​អាច​កាត់​យល់​នូវ​កាយ​វិការ​ដ៏​ស្មុគ​ស្មាញ​ទាំង​អស់​នោះ​។

អំពៅ​អាច​ធ្វើ​ឲ្យ​អាកាសធាតុ​ត្រជាក់?

ចម្ការ​​អំពៅ

ការ​សិក្សា​ថ្មី​មួយ​បាន​បង្ហាញ​ថា​អំពៅ​មាន​ឥទ្ធិពល​ធ្វើ​ឲ្យ​សីតុណ្ហភាព​ត្រជាក់ ដែល​មាន​តួ​នាទី​ធ្វើ​ឲ្យ​មាន​ភាព​កក់​ក្ដៅ​ក្នុង​ពិភព​លោក។

យោង​តាម​ការ​សិក្សា​ដែល​ដឹក​នាំ​ដោយ​អ្នក​ស្រាវ​ជ្រាវ​នៅ​នាយកដ្ឋាន​អេកូឡូស៊ី​ពិភពលោក​ នៃ​វិទ្យាស្ថាន Carnegie Institution​ បាន​បង្ហាញ​ថា អំពៅ​អាច​ចាំង​ត្រឡប់​ទៅ​ពន្លឺ​ព្រះ​អាទិត្យ​ចូល​ទៅ​ក្នុង​លំហ​អាកាស​វិញ និង ​ធ្វើ​ឲ្យ​សីតុណ្ហភាព​ថយ​ចុះ​នៅ​ជុំវិញ​ខ្យល់​ដូច​ជា​ដើម​ឈើ​ដែរ «រំភាយ​​ចំហាយ​ទឹក» ទឹក​កាន់​តែ​ត្រជាក់។

អ្នក​ស្រាវជ្រាវ​បាន​ប្រើប្រាស់​ទិន្នន័យ​ពី​រាប់​រយ​រូបភាព​ថត​ពី​លើ​អាកាស​នូវ​ដំបន់​ដែល​មាន​ទំហម​ប្រហែល​ជា ១១៧៣ គីឡូម៉ែត្រ​​ការេ ក្នុង​ប្រទេស​ប្រេស៊ីល​ជា​ទី​កន្លែង​ដែល​​គេ​​ដាំ​អំពៅ​​យ៉ាង​ច្រើន។ ពួក​គេ​វាស់​សីតុណ្ហភាព... ​ ភាព​​ចាំង​ត្រឡប់​ទៅ​លំហ​វិញ និង​ចំហាយ​រំភាយ​ចេញ​ គឺ​ទឹក​ដែល​បាត់​បង់​ពី​ដី និង ​ពី​ដើម​ឈើ​ដូច​ជា​ចំហាយ​ទឹក។

ការ​រក​ឃើញ​បាន​បង្ហាញ​ថា​ការ​ពង្រីក​ដំណាំ​អំពៅ​នៅ​ក្នុង​តំបន់​យ៉ាង​ច្រើន​ពីមុន​ដែល​កាន់​កាប់​ដោយ​ដំណាំ​ប្រទេស​​ប្រេស៊ីល​ផ្សេង​ទៀត​ អាច​ធ្វើ​ឲ្យ​អាកាស​ធាតុ​ក្នុង​តំបន់​នោះ​​ត្រជាក់​បាន។

លោក ស្កុត ឡៅរី (Scott Loarie) អ្នក​ស្រាវ​ជ្រាវ​ឈាន​មុខ​បាន​និយាយ​ថា យើង​រក​ឃើញ​ពី​​ការ​ផ្លាស់​ប្ដូរ​ពី​សារពើ​រុក្ខជាតិ​ធម្មជាតិ​ទៅ​ដំណាំ​ឬ​វាលស្មៅ​លទ្ធផល​នៅ​ក្នុង​កម្ដៅ​ក្នុង​តំបន់​ដោយសារ​ដើមឈើ​បាត់​បង់​ផល​ប្រយោជន៍​ទឹក។ ប៉ុន្តែ​​ដើម​អំពៅ​ដែល​មាន​រាង​ដូច​ឫស្សី​​នេះ​​គឺ​ចាំង​ផ្លាត​ជាង ​និង ​បញ្ចេញ​ជាតិ​ទឹក​ដូច​សារពើ​រុក្ខជាតិ​ធម្មជាតិ​ដែរ។ លោក​បន្ថែម​​ថា ​វា​ជា​រូបមន្ត​ឈ្នះ​ឈ្នះ​សម្រាប់​អាកាសធាតុ និង ​ប្រើ​ប្រាស់​អំពៅ​ដើម្បី​​ទាញ​យក​ថាមពល​សម្រាប់​បម្រើ​ឲ្យ​យាន​​យន្ត​អាច​កាត់​បន្ថយ​ការ​​បំពុល​ដោយ​​កាបូន ខណៈ​ពេល​ដែល​​វា​លូតលាស់​វា​ធ្វើ​ឲ្យ​សីតុណ្ហភាព​ក្នុង​តំបន់​ថយ​ចុះ។

​ប្រេស៊ីល​គឺ​ជា​ប្រទេស​​​នាំ​មុខ​គេ​ក្នុង​​ពិភព​លោក​ដោយ​​ប្រើ​ប្រាស់​ជីវឥន្ធនៈ​ជំនួស​សាំង។ ប្រហែល​ជា​មួយ​ភាគ​បួន​នៃ​ប្រេង​ឥន្ធនៈ​រថយន្ត​របស់​ពួក​គេ​គឺ​បាន​មក​ពី​ការ​ប្រើ​ប្រាស់​អំពៅ ​ជា​ការ​សំខាន់​មួយ​ដើម្បី​កាត់​បន្ថយ​កាបូនឌីអុកស៊ីត​ដែល​អាច​កាត់​បន្ថយ​ការ​ប្រើ​ប្រាស់​សាំង​បាន។

មក​ទល់​នឹង​ពេល​ឥឡូវ​នេះ​ការ​គិត​ភាគ​ច្រើន​អំពី​ប្រព័ន្ធ​អេកូ​ដែល​ប៉ះពាល់​ទៅ​លើ​អាកាស​ធាតុ​គឺ​ការ​គិត​ការ​ប៉ះ​ទង្គិច​តែ​មួយ​គត់​ដោយ​សារ​តែ​​ការ​សាយភាយ​ឧស្ម័ន​ផ្ទះ​បៃតង។ ប៉ុន្តែ​យោង​ទៅ​លើ​ការ​សហការី​អ្នក​ស្រាវជ្រាវ Greg Asner ​បាន​និយាយ​ថា៖ វា​នឹង​បង្កើន​កាន់​តែ​ច្បាស់​ថា ការ​ប៉ះពាល់​អាកាសធាតុ​ផ្ទាល់​ទៅ​អាកាសធាតុ​ក្នុង​តំបន់​ពី​ដី​ដែល​ប្រើប្រាស់​ផ្សំ​ជា​ការ​ប៉ះ​ទង្គិច​ជា​សំខាន់​ដែល​ត្រូវ​ការ​គិត​ពី​វត្ថុធាតុ​សំខាន់​ពី​ស្នា​ដៃ​របស់​មនុស្ស​ដែល​បណ្ដាល​មក​ពី​ការ​ផ្លាស់ប្ដូរ​អាកាសធាតុ។